„Нестле“ оди кон најголемото децениско поскапување на производите

Продажбата на „Nestle SA“ расте како резултат на тоа што најголемиот светски производител на храна форсира кон најголемо покачување на цените во последните децении, со цел да се надмине првиот пад на обемот на продажба.

Производителот на кафе „Nespresso“ и на храна за домашни миленици „Purina“ рече дека очекува раст на приходите на годишно ниво од околу 8 проценти, што е максимум од нивните претходни претпоставки. Обемот на продадени стоки почна да се намалува во третиот квартал бидејќи „Nestle“ ги зголеми цените. Досега потрошувачите беа подготвени да апсорбираат повисоки трошоци.

Секојдневно се зголемува загриженоста дека брендираните компании може да почнат да го губат уделот на пазарот во корист на производителите кои нудат поевтини производи бидејќи купувачите со ограничени пари се принудени да ги намалуваат трошоците.

Инфлацијата расте на глобално ниво, при што стапката во еврозоната достигна рекордни 10 отсто минатиот месец. На квартално ниво обемот на продажба се намали за 0,2 отсто бидејќи компанијата во просек ги зголеми цените за 9,5 отсто.

Аналитичарите не се премногу вознемирени. „Сè уште нема знаци дека потрошувачите ќе пропаднат“, рече Бруно Монтејн, аналитичар во „Bernstein“, додавајќи дека компанијата продолжува да го прави тоа што секогаш го прави: силен раст, разновидна сила и без изненадувања. Некои производи веќе покажаа знаци на намалена побарувачката. Во „Nespresso“ обемот се намали, а продажбата во Европа опадна по силната 2021 година, кога растот беше двоцифрен. „Nestle“ во средата соопшти и дека планира да го купи брендот „Seattle's Best Coffee“ од „Starbucks Corp.“ иако не ја објавија цената за евентуалната купопродажба.

Во моментов нема коментари за веста. Биди прв да коментира...

Остави коментар