text size
Цементарница Усје во периодот јануари-септември годинава оствари добивка од 621,2 милиони денари (10,1 милиони евра), што е намалување во однос на истиот период минатата година кога компанијата имала добивка од околу милијарда денари (17,1 милиони евра), покажува неревидираниот и неконсолидиран биланс на успех на компанијата објавен преку Македонската берза.
Компанијата во овој период имала приходи од 4,8 милијарди денари кои се поголеми во однос на првите девет месец од минатата година кога изнесувале 3,9 милијарди денари.
Извештајот открива значајно зголемување на оперативните расходи на Цементарница Усје од 2,8 милијарди денари во минатата година на 4,1 милијарди денари годинава.
Добивката пред финансиските трошоци, даноците и амортизацијата (ЕБИТДА) во периодот јануари-септември годинава изнесува 870,2 милиони денари, што е намалување во однос на истиот период минатата година кога изнесувала 1,3 милијарди денари.
.webp){kind=icon}
