„Shell Plc“ инвестира во најновиот развоен проект на Катар за течен природен гас и тоа само неколку месеци откако вложи во уште еден од експанзивните проекти на оваа заливска држава.
„Shell“ ќе преземе 9,375 проценти од уделот во „North Field South“, со што катарскиот производствен капацитет за гас ќе се зголеми за 16 милиони тони годишно, рече министерот за енергетика Саад Ал Кааби на денешната церемонија на потпишувањето на договорот во Доха.
„TotalEnergies SE“ претходно се придружи на проектот во септември, исто така преземајќи 9,375 проценти, вредни околу 1,5 милијарди долари. Кааби тогаш рече дека Катар го продава заедничкиот удел од 25 проценти на четири компании, оставајќи уште двајца партнери кои подоцна ќе бидат објавени.
Прочитај повеќе
Германија ризикува да потроши милијарди на недоволно ефикасни енергетски проекти
Земјата се соочува со околу 200 милијарди евра дополнителни трошоци за увоз на гас до крајот на деценијата
22.10.2022
ЕУ ги поддржува итните мерки за ограничување на цената на гасот
Извршната власт на ЕУ треба да предложи динамички коридор, со цел веднаш да се ограничат цените на гасот
21.10.2022
Израел и Либан постигнаа историски договор, ќе има повеќе гас и за Европа
Договорот може да придонесе за двете држави за го зголемат производството и извозот на природен гас
12.10.2022
Катар го зајакнува своето производство и капацитетите за природен гас токму во екот на растот на побарувачката за гас на светско ниво. Залихите веќе беа ограничени уште пред руската инвазија врз Украина да ја доведе европската нација до беспомошна потрага за алтернативни извори на енергенси.
Коментирајќи го привременото ограничување на цената на природниот гас во Европа, главниот извршен директор на Шел, Бен ван Бурден, рече дека политичарите во Европа разбираат дека планот е комплициран.
„Сигурен сум дека тоа ќе се реши на соодветен и одговорен начин, кој вистински ќе биде од корист за пазарите и потрошувачите во Европа“, рече Бурден на церемонијата, додавајќи дека Европа мора да ја намали побарувачката на гас од индутријата.
Се очекува дека катарскиот „North Field South“ ќе ја испорача својата прва пратка на гас во 2027 година, што значи дека нема да ги ублажи проблемите со испораката во следните неколку години. Катар спроведува уште еден проект за гас, “North Field East“, што ќе чини околу 30 милијарди долари и треба да ги испорача своите први количини во 2026 година. Некои договори за испорака веќе се финализирани за тој проект, рече Кааби.
Овие два развојни проекти ќе го зголемат потенцијалот за производство на гас во Катар на 126 милиони тони годишно, од сегашните 77 милиони тони. Во „North Field East“ инвестираа „Shell“, „Total“, „Exxon“, „Eni SpA“ и „ConocoPhillips“.
.webp){kind=icon}
