„Shell Plc“ ќе ја зголеми дивидендата за акционерите откако извести за втората најголема добивка во историјата, иако некои делови од работата покажуваат знаци на забавување.
Сепак, добивката е нешто под проценките, а мерачот на нивото на долг на компанијата неочекувано порасна. „Shell“ рече дека ќе откупи уште акции во вредност од 4 милијарди долари во следниот квартал, со што вкупниот откуп за една година ќе изнесува 18,5 милијарди долари.
Компанијата планира да ја зголеми својата дивиденда за 15 проценти во последниот квартал, но тоа сепак треба да го одобри одборот.
Меѓу конкретните компании кои денеска исто така известија за својата заработка се „TotalEnergies SE“ од каде објавија уште една рекордна добивка, додека „Repsol SA“ извести дека ќе исплати дивиденда поголема од претходно планираното.
Bloomberg Mercury
„Постигнуваме силни резултати во време на постојана неизвесност на глобалниот енергетски пазар“, рече главниот извршен директор Бен ван Бурден. „Истовремено имаме блиска соработка со владата и купувачите со цел да одговориме на нивните краткорочни и долгорочни енергетски потреби“, додаде тој.
Нето приходите на „Shell“ во третиот квартал изнесуваат 9,45 милијарди долари, малку под проценката на аналитичарите, кои во просек очекуваа приходи во висина од 9,69 милијарди долари, се наведува во соопштението. Ваквиот резултат е помал од рекордот од 11,47 милијарди долари постигнат во вториот квартал, кога цените на нафтата беа над 100 долари за барел.
Соодносот на нето долгот и капиталот на „Shell“ порасна на 20,3 отсто, што е пониско од нивото од пред една година, но е зголемено во однос на 19,3 проценти од претходниот квартал.
Ова ќе биде последна заработка што ја презентира Ван Бурден, кој ја напушта функцијата на крајот од годинава. Него ќе го замени Вел Сован, моментално задолжен за интегриран гас, обновливи извори и енергетски решенија, сектор што претставува најголем извор на пари за компанијата и е клучен за нејзините планови за намалување на емисијата на јаглероден диоксид.
.webp){kind=icon}
