„Ексон мобил“ (Exxon Mobil Corp.) и „Шеврон“ (Chevron Corp.) собраа повеќе од 30 милијарди долари заеднички нето-приход, додека фрустрираните потрошувачи ги поттикнуваат политичарите да даваат сè пострашни предупредувања за профитерството и климатските промени.
„Ексон“ забележа најголем профит во својата 152-годишна историја, додека „Шеврон“ го забележа вториот најдобар квартален резултат, бидејќи побарувачката и цените на природниот гас се зголемија. Ваквите вести следуваат по добрите резултати на европските компании „Шел“ (Shell Plc) и „Тотал енерџис“ (TotalEnergies SE).
И покрај тоа што суперголемите компании уживаат во профити незамисливи пред само две години, кога беа најтемните денови на пандемијата, директорите се под притисок да ги намалат емисиите и да го подобрат приносот за акционерите, додека повеќето од нив се колебливи во однос на тоа дали да ги прошират скапите програми за истражување.
Година за камбек на „Ексон“ / Bloomberg
За „Ексон“, заработката од 4,68 долари по акција во третиот квартал ја надмина просечната процена на аналитичарите од 3,89 долари во истражувањето на „Блумберг“. Нето-приходот од 19,7 милијарди долари го надмина рекордот на сите времиња од 17,6 милијарди долари, собрани во вториот квартал.
Очекувањата меѓу аналитичарите се зголемија откако во соопштението за тргување на „Ексон“ од 4 октомври беше посочено дека високите цени на природниот гас надоместуваат за падот на суровата нафта. Се очекува силната серија на приходи да продолжи и во тековниот квартал; се предвидува дека „Ексон“ во текот на целата година ќе оствари профит од повеќе од 50 милијарди долари - што е повеќе од „Амазон“ (Amazon.com Inc.), „Проктер енд гембл“ (Procter & Gamble Co.) и „Тесла“ (Tesla Inc.) заедно.
„Ексон“ на некој начин му се спротивстави на трендот на послаба заработка на рафинериите, искористувајќи ги рекордната преработка на сурова нафта во Северна Америка и силната побарувачка за дизел-гориво. Во Европа, напорите за складирање природен гас во пресрет на зимата ги зголемија цените за горивото на „Ексон“ за 22 отсто, што е повеќе од падот од 12 отсто што го забележа суровата нафта.
Исто така, компанијата го зголеми производството во клучните нафтени зони, како што се Пермскиот басен и Гвајана, каде што комбинираното производство во текот на кварталот достигна еквивалент од 920.000 барели дневно.
Аналитичарите очекуваат заработката на „Ексон“ годинава да ги надмине главните ривали од индексот S&P 500 / Bloomberg
Во меѓувреме, заработката на „Шеврон“ од 5,56 долари по акција во третиот квартал ја надмина просечната процена на аналитичарите од 4,94 долари. Нето-добивката изнесува 11,2 милијарди долари, што е нешто помалку од историскиот максимум од над 12 милијарди долари од претходните три месеци, се наведува во соопштението што го објави компанијата во петокот.
„Испорачавме уште еден квартал со силни финансиски резултати, со поврат на вложениот капитал од 25 отсто“, стои во соопштението на главниот извршен директор Мајк Вирт. „Истовремено, ги зголемуваме инвестициите и ги зголемуваме резервите на енергенти, при што нашето производство во Пермскиот басен достигна уште еден квартален рекорд“, додава тој.
.webp){kind=icon}
