.webp){kind=icon}
Заклучно со септември односно до крајот на треиот квартал годинава Стопанска банка АД Скопје има добивка пред оданочување од 2.289.998.000 денари (37,2 милиони евра). Вкупната актива на банката изнесува 116.961.561.000 денари (1,9 милијарди евра) и е зголемена за 3 отсто во однос на крајот од минатата година.
Според финансискиот резултат за работата во трите квартали годинава, Стопанска банка АД Скопје има нето-приходите од камати изнесуваат од 3.049.596.000 денари (49,6 милиони евра) или 7 отсто повеќе од истиот период од минатата година.
Нето-приходите од провизии и надоместоци изнесуваат 666.658.000 денари (10,8 милиони евра) и се зголемени за 5 отсто во однос на анализираниот период во 2021 година. Растот на оваа ставка се образложува со зголемениот обем на активности и услуги, од кои најмногу во делот на услугите во платниот промет и картичното работење. Нето-приходите од курсни разлики изнесуваат 121.119.000 денари и забележале пораст од 24 отсто како резултат на зголемениот обем на тргувања на девизниот и менувачкиот пазар.
Останатите приходи од дејноста има раст од дури 58 отсто и изнесуваат 513.722.000 денари.
Според билансот на успех, оперативните трошоци од работењето се зголемиле за 7 проценти што е резултат и на инфлаторните притисоци, при што трошоците за вработени изнесуваат 701.247.000 денари, додека останатите оперативни трошоци изнесуваат 728.219.000 денари.
Паричните средства и паричните еквиваленти споредени со крајот на 2021 година се пониски за 2.527.161 илјади денари, односно за 12 проценти, како резултат на порастот на кредитните активности на банката и употребата на ликвидноста за оваа намена. Кредитите на и побарувањата од други комитенти оствариле нето пораст од 7 отсто споредено со крајот на минатата година и изнесуваат 83.452.762 илјади денари. Кредитите на и побарувањата од банки изнесуваат 324.594 илјади денари и бележат зголемување во однос на крајот на 2021 година за 17 проценти.
Вкупните депозити на други комитенти изнесуваат 88.125.694.000 денари. Капиталот и резервите изнесуваат 21.888.299 илјади денари, што претставува зголемување за 11 проценти во однос на крајот на 2021 година. Имено, со Одлука на Собранието на акционери на Банката, донесена во мај 2022, сопствените средства се зголемени за нови 30 милиони евра, капитал кој обезбедува основа за понатамошен раст на кредитините активности и реализација на зацртаните бизнис-цели во наредниот период.
Во образложението за финансискиот резултат како очекувања за следниот период од Стопанска банка велат дека ќе продолжат со активностите согласно деловниот план
„Грижата за стабилноста, ликвидноста, прудентното управување со ризиците и посветеноста на одржување на лидерската позиција во банкарскиот систем, останува во доменот на основните приоритети и во наредниот период. И понатаму, како приоритет, остануваат новите дигитални и функционални можности за клиентите преку веќе воспоставената комуникациска инфраструктура. Грижата за општествената заедница и вработените исто така остануваат во преден план, со иста приоритетна важност како останатите спомнати цели, стои во образложението.
