НЛБ прв пат доби рејтинг од 17,7 за управување со ризици по животната средина и социјални аспекти односно за ESG. Од компанијата информираат дека „Састејнаналитикс“ (Sustainalytics), водечка фирма за истражување и рејтинзи оценила дека НЛБ е со низок ризик од материјални и финансиски влијанија од факторите кои се дел од управувањето со животната средина и социјалните аспекти (ESG) поради средната изложеност и силното управување.
„Компанијата е позната по своите силни перформанси на корпоративно управување, што го намалува нејзиниот севкупен ризик. Понатаму, компанијата немала значителни контроверзии“, објаснуваат од „Састејнаналитикс“.
Дополнително, рејтингот за управување со ризици по животната средина и социјалните апекти, ја става НЛБ меѓу 15-те проценти од најдобрите банки, оценети од компанијата.
„Да се подобри квалитетот на животот во нашиот матичен регион, Југоисточна Европа, е една од клучните стратешки цели на НЛБ Групацијата. На овој пат тргнавме решени да создадеме подобар свет, да оставиме подобри траги во регионот што го сметаме за наш дом, и исклучително сме горди што нашите напори и нашиот напредок се препознаени на начин што не оставаат никаков сомнеж во очите на инвеститорите и јавноста“, нагласи извршниот директор на НЛБ, Блаж Бродњак.
Рејтингот за управување со ризици по животната средина и социјалните аспекти, слично на кредитниот рејтинг, е мерење на работата на компанијата, кое наместо на кредитната способност се фокусира на исполнување на стандардите во областа на животната средина (E), социјалните аспекти (S) и управувањето (G).
Во финансискиот свет тоа станува сè поважна категорија, која инвеститорите и аналитичарите сè повнимателно ја следат и на основа на тоа проценуваат во кои компании да инвестираат, а во кои не.
НЛБ е првата банка со седиште и ексклузивен стратешки интерес во Југоисточна Европа која го има добиено овој рејтинг, како и прва меѓу компаниите котирани на Љубљанската берза.
„Иако не ни недостасува дискусија за одржливост, рејтингот за Управување со животната средина и социјалните аспекти (ESG) сè уште е релативно малку познат во нашата средина. Затоа, не е чудно што НЛБ, како пионер и компанија која се стреми да биде движечка сила на развојот и напредокот во регионот на ЈИЕ, беше првата што се справи со овој предизвик“, објасни извршниот директор на НЛБ.
Тој додава дека оценките за ESG не се само празно „слово на хартија“, туку дека се резултат на ревизија од независни и светски познати експерти.
„Тие се поттик за нас и ги охрабруваат нашите засегнати страни да им веруваат на нашите деловни одлуки и активности“, вели Бродњак.
Од групацијата информираат дека напорите на НЛБ во областа на одржливоста ги опфаќаат еколошките, социјалните и управувачките аспекти.
„Изминатава година ја поставивме рамката за одржливост на НЛБ Групацијата, насоките и целите на одржливиот бизнис, одржливото финансирање и придонесот кон општеството. НЛБ е првата банка од Словенија која се обврза на принципите на ОН за одговорно банкарство, а пролетта оваа година се приклучи на „Net Zero Banking Alliance“ на Обединетите Нации, чија цел е да ги усогласи кредитните и инвестициските портфолија со достигнување на нула нето емисии до 2050 година или порано“, информираат од групацијата.
Оттаму додаваат дека НЛБ со децении важи за еден од најголемите и најистакнатите промотори и спонзори на спортски здруженија и настани во Словенија и дека се горди на долгогодишниот проект Младински спортови.
„Инвестираме во културата и културното наследство – Банкариумот, првиот банкарски музеј во Словенија на пример, беше отворен во јуни 2021 година под покровителство на НЛБ. Ги препознаваме можностите и одговорноста за помагање на економијата и надвор од рамките на банкарството, како што покажа проектот #РамкаЗаПомош. Донираме за социјално загрозените групи Интензивно се залагаме за еднакви можности и независно и професионално корпоративно управување“, велат од НЛБ.
.webp){kind=icon}
Во моментов нема коментари за веста. Биди прв да коментира...