Илон Маск ги отфрли критиките од еден од најгласните поддржувачи на „Тесла“ (Tesla Inc.) во светло на зголемената загриженост за способноста на главниот извршен директор покрај „Твитер“ (Twitter Inc.) да управува и со неговите други бизниси.
Милијардерот, чие богатство се намали во согласност со пазарната капитализација на „Тесла“, објави твит во кој се потсмева на Рос Гербер, извршен директор на „Гербер кавасаки велт менаџмент“ (Gerber Kawasaki Wealth Management), откако долгогодишниот инвеститор објави дека забележителен е недостиг на лидерство во производителот на електрични возила и посочи дека е „време за промена“. Работите се променети во однос на деновите кога акциите на „Тесла“ се зголемуваа, а фановите како Гербер ги фалеа менаџерските способности на Маск што ја етаблираа компанијата како ран глобален лидер во производството на електрични возила.
Маск одговори на објавата прашувајќи го Гербер дали има да сподели некои негови „големи идеи“ за „Тесла“ и нејзиниот одбор, притоа порачувајќи му да се врати „назад и да го прочита својот стар учебник по основи за анализа на хартии од вредност“.
Прочитај повеќе
Илон Маск продаде удел во „Тесла“ вреден 3,6 милијарди долари
Акциите годинава паднаа за 55 отсто, бидејќи инвеститорите се загрижени за купувањето на „Твитер“ од страна на Маск.
15.12.2022
Акциите на „Тесла“ никогаш не биле толку евтини, а може уште да паднат
Оваа година акциите на производителот на електрични автомобили паднаа за повеќе од 50 проценти.
13.12.2022
Загубите на Маск за првпат надминаа 100 милијарди долари
Акциите на „Тесла“ годинава паднаа за 52 отсто.
22.11.2022
Гербер претходно твитна на 16 декември дека го известил одборот на „Тесла“ дека сака да се кандидира за позиција. Други инвеститори, вклучително и Лео Когуан - еден од најголемите индивидуални акционери на Тесла - исто така повикаа на промени во управувањето.
Несогласувањата доаѓаат бидејќи акциите на „Тесла“ паднаа за повеќе од 60 отсто од почетокот на годината, влечејќи ја нивната вредност под границата од половина илјада милијарди долари за првпат од ноември 2020. Маск од крајот на минатата година продаде акции на „Тесла“ во вредност од речиси 40 милијарди долари, при што со голем дел од износот ќе го финансира неговото купување на „Твитер“ - и покрај тоа што постојано вели дека ќе престане да го продава својот удел. Продажбата, плус депресијата на цената на акциите на „Тесла“, беа доволни за да го соборат Маск од првото место на индексот на милијардери на „Блумберг“.
Акциите на „Тесла“ паднаа за 8,1 отсто во вторникот, на најниско ниво во последните две години - 137,80 долари.
Запрашан преку електронска пошта за мислење поради тоа што успеа да го привлече вниманието на Маск, Гербер одговори: „Ми се допаѓа тоа!“
.webp){kind=icon}
Во моментов нема коментари за веста. Биди прв да коментира...