Тесла ги намали цените на автомобилите до 20 проценти

„Тесла“ (Tesla Inc.) ги намали цените на целата линија автомобили на американскиот и на главните европски пазари во најнов обид да ја поттикне побарувачката по неколку квартали разочарувачки испораки.

Компанијата ја намали цената на најевтиниот Model Y  за 20 проценти. „Тесла“ исто така,направи големи намалувања во Германија, Велика Британија и Франција. 

Драстичните промени доведоа до пад на акциите на „Тесла“ врз кои се одрази загатката со која се соочува компанијата откако не ја достигна целта за испорака на возила, и покрај попустите и стимулациите на крајот на годината. За да продолжи да расте и целосно да ги користи погоните што ги отвори или прошири минатата година, се чини дека „Тесла“ ги компромитира профитните маржи што ги славеше Вол Стрит кога компанијата имаше ограничувања во производството. 

Акциите на „Тесла“ денеска паднаа за дури 5,8 проценти, а пад имаа и акциите на други производители на автомобили, вклучително и „Форд“ (Ford Motor Co.), „Џенерал Моторс“ (General Motors Co.) и „Ривијан Инк“ (Rivian Automotive Inc.). 

„Ќе има значително влијание врз краткорочната бруто маржа на „Тесла“, а математиката зависи од тоа колку долго ќе траат овие нови нивоа на цени“, соопшти Крис Мекнали, аналитичар на „Еврскор“ (Evercore ISI).

„Дури и ако намалувањата се однесуваат на само дел од годината и „Тесла“ делумно ги промени, заработката по акција во 2023 година би можела да заврши од 30 до 40 проценти под сегашниот консензус“, проценува тој.

Промените во САД ги намалуваат цените на седаните на Model 3 и на одредени спортски возила на Model Y под ограничувањата што требаше да ги подигнат за да се квалификуваат за даночни кредити за електрични возила од 7.500 американски долари.

Министерството за финансии и Службата за внатрешни приходи кон крајот на минатата година објавија упатства што го иритираа главниот извршен директор Илон Маск бидејќи Model Y немаше доволно тежина за да се смета за SUV. Тоа значи дека верзиите на возилото со пет седишта подлежат на ограничувањето на цената од 55.000 долари што се применува за седаните, наместо ограничувањето од 80.000 долари за теренците.

„Тесла“ сега на својата веб-страница забележува дека федералниот даночен кредит од 7.500 долари за кој сега имаат право одредени клиенти ќе се применуваат за возилата што ги испорачува до март.

Додека некои делови од новиот американски закон стапија на сила на 1. јануари, Министерството за финансии сè уште ги финализира барањата за набавка на батерии што би можеле да го намалат даночниот кредит за одредени ЕВ за половина.

Според Кевин Тинан, авто-аналитичар на „БИ“ намалувањето на цените за секоја од четирите таблички во линијата на „Тесла“ следи по глобалниот застој во обемот на продажбата предизвикан од безброј проблеми од макроекономијата до технолошките предизвици, како и од потрошувачите кои се апатични кон грубиот извршен директор и одборот на директори.

„Изгубениот приход за цела 2023 година би надминал 11 милијарди долари или 14 проценти од продажбата ако намалувањето на цените важи за цела година, а под претпоставка дека глобалната проценка за 2023 година изнесува 1,8 милиони возила“, вели Тинан.

Тони Саконаги, аналитичар на „Бернштајн“соопшти дека производителот на автомобили се соочува со „значаен проблем со побарувачката“ и дека неговите предизвици ќе продолжат делумно затоа што неговите модели се прескапи за да се квалификуваат за даночни кредити.

„Веруваме дека „Тесла“ ќе треба или да ги намали своите цели за раст (и да ги води фабриките под капацитетот) или да ги одржи и потенцијално да ги зголеми неодамнешните намалувања на цените на глобално ниво, притискајќи ги маргините“, напиша Саконаги во извештајот од 2 јануари.

„Очекуваме проблемите со побарувачката да продолжат се додека „Тесла“ не успее да воведе понуда со пониска цена, што може да биде дури во 2025 година’, вели тој. 

Во моментов нема коментари за веста. Биди прв да коментира...

Остави коментар