Богатството на Марк Закерберг скокна за 12,5 милијарди долари во четвртокот, што е најголемо еднодневно покачување на неговото богатство, откако тој вети дека 2023-та ќе биде „година на ефикасност“ за неговиот гигант од сферата на социјалните медиуми, „Мета“ (Meta Platforms Inc.).
Триесет и осумгодишниот извршен директор има камбек по својата најлоша година досега, откако неговото богатство падна од врвот од 142 милијарди долари во септември 2021 година. Тој имаше голем број дневни подеми и падови во 2022 година: минатиот февруари изгуби дури 31 милијарда долари во еден ден, а потоа доби 11 милијарди долари во април, за повторно да изгуби 11 милијарди долари во октомври по уште еден разочарувачки извештај за заработка на компанијата.
Закерберг сега има нето-богатство од 69,8 милијарди долари, што го прави 13-от најбогат човек во светот, според индексот на милијардери на „Блумберг“, кој го следи неговото богатство во април 2012 година. Тој, меѓу другите милијардери, го прескокна и Индиецот Гаутам Адани, кој периодов трпи големи загуби.
Инвеститорите се расположени по најновите финансиски резултати на „Мета“. Во разговорот со нив во средата, Закерберг рече дека ноемвриските кратења на работните места на компанијата од 11.000, или 13 отсто од работната сила, се „само почеток“ на неговите планови за рационализација. Компанијата, исто така, неделава извојува судски победи, поразувајќи ги напорите на Федералната трговска комисија да го блокира откупот на фирмата на стартап за виртуелна реалност.
Bloomberg
„Работиме на израмнување на структурата на нашата организација и отстранување некои слоеви од средното раководство со цел побрзо донесување одлуки, како и на распоредување алатки за вештачка интелигенција, за да им помогнеме на нашите инженери да бидат попродуктивни“, рече Закерберг. „Ќе има и други работи што можеме да ги направиме за да ги подобриме нашата продуктивност, брзина и структура на трошоците“.
„Мета“ се враќа откако се соочи со пад на интересот кај огласувачите поради слабоста во пошироката економија, како и промената на правилата за приватност на ајфоните на „Епл“ (Apple Inc.), што ја отежна можноста за компанијата да нуди насочени реклами. Закерберг нагласи дека компанијата користи вештачка интелигенција за да го подобри начинот на кој препорачува содржина, што би можело да ја направи платформата попривлечна за корисниците и огласувачите. Фирмата се соочува со намалена побарувачка за дигитални реклами, но компанијата посочи на индустриите како здравството и патувањето каде што се троши повеќе.
„Мета“ доби 23,3 отсто во четвртокот, придружувајќи им се на голем број други технолошки компании што забележаа пораст на своите акции. Но, по затворањето, „Епл“ (Apple) и „Амазон“ (Amazon.com Inc.) објавија разочарувачки заработувачки, зголемувајќи го ризикот дека закрепнувањето на секторот може да биде краткотрајно.
.webp){kind=icon}
