Употребата на ВИ ќе влијае врз кредитните рејтинзи на банките

Употребата на вештачка интелигенција од страна на банките сè повеќе ќе влијае на нивните кредитни рејтинзи во наредните години, соопшти  „Стандард и Пурс“ (S&P Global Ratings) во понеделник.

Победниците и губитниците ќе бидат одредени од зрелоста на нивните стратегии за вештачка интелигенција и силата на рамките за управување, според компанијата за кредитни рејтинзи.

„Нееднаквото темпо на усвојување, зрелоста на управувањето и оперативната подготвеност сугерираат дека вештачката интелигенција сè повеќе ќе придонесува за зајакнување или слабеење“ на кредитната способност на финансиските институции во следните неколку години, соопшти „С и П“.

Околу 180 финансиски фирми ширум светот анкетирани од „Си П“ во јуни, очекуваат да намалат трошоци поради примената на ВИ и до четири отсто годинава, а до 6-8 отсто до 2028 година.  Засега, околу 84 отсто од фирмите изјавиле дека користат вештачка интелигенција во функциите за поддршка и во автоматизацијата. Помалку од една третина изјавиле дека користат вештачка интелигенција за развој на нови производи и услуги, поради регулативата и ризиците по репутацијата.

„Нето кредитниот резултат помалку ќе зависи само од усвојувањето, а повеќе од тоа дали институциите можат да ги претворат тие трошковни ефикасности и дополнителни приходи во одржливи подобрувања на профитабилноста што генерираат конкурентска предност во однос на другите, а воедно одржуваат солидно управување со ризици“, изјави преку имејл Миријам Фернандез, раководител на истражувањето за усвојување на  вештачката интелигенција.

-Со помош на Лора Нунан