Производителот на електрични скутери „Ола“ (Ola Electric Mobility Pvt) е на пат да го испорача своето прво возило на четири тркала во втората половина од 2024 година, информира главниот финансиски директор Г.Р. Арун Кумар.
„Производителот, кој истовремено е и компанија за превоз, е фокусиран на напредни фази на дизајн и има корист од споделувањето одредена технологија употребена во неговите производи на две тркала“, рече Кумар денеска.
„Софтвер, безбедносни системи, електроника, ќелии, погонски систем, многу од нив се вообичаени“, рече Кумар на маргините на форумот „Недела на енергија во Индија“.
Минатата година основачот на „Ола“, Бавиш Агарвал, рече дека компанијата цели на цената на својот прв автомобил, кој би требало да чини помалку од 50.000 долари, произведувајќи сопствени компоненти, како што се литиумјонски ќелии и батерии, за да ги намали трошоците.
„Ола“ има цел да се натпреварува со „Тесла“ (Tesla Inc), „Хјундаи“ (Hyundai Motor Co) и локалните ривали, како „Тата“ (Tata Group), на пазарот на електрични возила во Индија, за кој консултантската компанија РБСА (RBSA Advisors) предвидува дека ќе вреди повеќе од 150 милијарди долари до 2030 година.
Кумар рече дека „Ола“ напредува кон својата цел да испорача евентуален капацитет од 100 гигават-часа производствен капацитет на батерии.
„Треба да дојдеме до околу 10 гигават-часа за 18-24 месеци и до 20 гигават-часа за 36 месеци“, рече тој.
Покрај сопствената потрошувачка, „Ола“ потенцијално може да продава литиумјонски ќелии на други страни за употреба во возила, за балансирање на мрежата или за складирање енергија, смета Кумар.
„Ние би биле многу отворени за продажба надвор. Сето тоа зависи од тоа како ќе се обликува побарувачката“, рече тој.
.webp){kind=icon}
Во моментов нема коментари за веста. Биди прв да коментира...