Обвинителите во Милано ја истражуваат компанијата мајка на Фејсбук, „Мета“ (Meta Platforms Inc), за наводно неплатен ДДВ од вкупно околу 870 милиони евра (927 милиони долари), според луѓе запознаени со ова прашање.
Истрагата, првично предводена од италијанската финансиска полиција „Гуардија ди финанца“ (Guardia di Finanza), е фокусирана на периодот од 2015 до 2021 година, велат анонимните извори, барајќи да не бидат именувани за да разговараат за приватни информации.
„Сериозно ги сфаќаме нашите даночни обврски и ги плаќаме сите потребни даноци во секоја од земјите каде што работиме и категорично не се согласуваме со идејата дека за обезбедувањето пристап до онлајн платформите на корисниците треба да се наплаќа со ДДВ“, се вели во соопштението на „Мета“.
Компанијата е целосно подготвена да соработува со властите кога ќе имаат прашања во врска со обврските според законите на ЕУ и локалните закони, се додава во соопштението.
Претставниците на судот со седиште во Милано и тие од италијанската финансиска полиција одбија да коментираат. Истрагата првично беше објавена од новинската агенција „Анса“ (Ansa).
Случајот „Мета“ е последен во серијата за италијанските и европските власти што ги истражуваат даночните практики на глобалните компании. Во 2019 година италијанските обвинители ја испитуваа американската компанија за стриминг „Нетфликс“ (Netflix Inc), откако не поднесе пријава, рекоа во тоа време луѓе запознаени со ова прашање. Во истата година сопственикот на „Гучи“ (Gucci Kering SA) се согласи да плати 1,25 милијарда евра за да го реши случајот со даночните плаќања на брендот за периодот од 2011 до 2017 година.
.webp){kind=icon}
Во моментов нема коментари за веста. Биди прв да коментира...