Француските банки, вклучувајќи ги и „Сосиете женерал“ (Societe Generale SA) и „БНП Парибас“ (BNP Paribas SA), се соочуваат со колективнa казнa од над милијарда евра во рамките на истрагата за даночна измама и перење пари поврзани со исплати на дивиденди.
ХСБЦ (HSBC Holdings Plc), „Натиксис“ (Natixis SA) и единицата „Ексан“ (Exane) на БНП се исто така дел од истрагата, според обвинителството во Париз, кое соопшти дека казните вклучуваат глоби и дополнителни камати. Прелиминарни истраги поврзани со рациите биле отворени во декември 2021 година, како што посочи обвинителот.
Рациите се однесуваат на стратегија поврзана со исплати на дивиденди позната како cum/cum, каде што акционерите им префрлале акции на краток рок на инвеститори со седиште во странство за да избегнат данок на дивиденда. Инвеститорите ги држеле акциите во периодот кога биле исплаќани дивидендите, при што не биле оданочени или даноците биле вратени. Тие потоа му ги продaвале хартиите од вредност назад на оригиналниот сопственик и заштедената сума ја делеле меѓу нив.
Претставниците на БНП, ХСБЦ и „Натиксис“ не одговорија веднаш на барањата за коментар. Портпаролот на „Сосиете женерал“ потврди дека банката е дел од истрагата.
Рациите придонесуваат за дополнително негативно расположение околу банкарската индустрија и во САД и во Европа, каде што инвеститорите беа погодени од итното спасување на „Кредит Суис“ (Credit Suisse Group AG) и запленувањето на банката „Силикон валеј“ (СВБ) од страна на регулаторите во САД.
Француска истрага
Француската истрага, за која обвинителот рече дека се подготвувала со месеци, вклучува 16 локални службеници, повеќе од 150 инспектори и шест обвинители од Келн, Германија. Правните дупки што се користат за намалување на даноците за дивидендите во Германија се скандал актуелен речиси една деценија. Слична шема, позната како Cum-Ex трансакции, ги користеше дупките во даночните закони што им дозволуваа на продавачите на краток рок и на вистинскиот имател на акциите да бараат даночни кредити на дивиденда што била платена само еднаш.
Францускиот обвинител исто така ги покани да истапат сите што сакаат да дадат дополнителни информации поврзани со француската истрага.
.webp){kind=icon}
