.webp){kind=icon}
Shopify Inc. го додава Twitter Inc. (Твитер) на својата растечка листа на партнери од социјалните медиуми, бидејќи има за цел да им помогне на бизнисите кои ги обединува, да стигнат до on line купувачите.
Од денес, американските трговци на Shopify ќе можат да отворат виртуелен излог на онлајн платформата на Tвитер. Веста следи по другите соработки на Shopify, вклучително и со Google на Alphabet Inc. и Facebook на Meta Platforms Inc.
„Малопродажбата не се случува на еден канал, тоа се случува на секој канал“, рече претседателот на Shopify, Харли Финкелштајн во интервјуто. Сега кога пандемијата се намалува, трговците „сакаат да продаваат на секоја платформа“.
Bloomberg Mercury
Акциите на компанијата со седиште во Отава паднаа за 76 отсто оваа година во услови на поширок распад на технолошките акции и бидејќи компаниите за е-трговија се соочуваат со потешкотии откако купувачите се вратија на шопинг во живо наместо преку компјутер.
Трговците на мало на Shopify ќе можат да ги продаваат своите производи на Твитер на два начина: со прикажување дури пет производи на нивниот профил на Твитер или со користење на Twitter Shops, пилот функција која им овозможува на продавачите да рекламираат дури 50 производи во картичката поврзана со нивниот профил.
Shopify одби да даде проценка за тоа колку зделката со Twitter ќе ја зголеми продажбата, но рече дека нарачките направени кај трговците на Shopify преку други онлајн партнерства се зголемиле за четири пати во првиот квартал од 2022 година, во споредба со истиот период претходната година. Исто така, се тврди дека твитовите поврзани со купување достигнале приближно 40 милијарди прегледи минатата година.
Лансирањето на Twitter е малку различно од некои други партнерства со тоа што не вклучува Shop Pay, алатката за онлајн плаќање на Shopify.
Илон Маск, кој го предводи предложеното преземање на Твитер во вредност од 44 милијарди долари, ги покажа своите амбиции да го претвори Twitter во „супер апликација“ која ги комбинира социјалните медиуми, онлајн купувањето и плаќањата. Акциите на Twitter паднаа за 10 отсто оваа година.
