Аir France-KLM може наскоро да биде слободна да продолжи со аквизиции, бидејќи авиопревозникот се подготвува да врати назад милијарди евра од државните средства што им беа потребни за да се справат со пандемијата со Covid-19.
Авиопревозникот се подготвува да ги надомести остатокот од средствата што ги должи на Холандија во „наредните неколку месеци“, и 75% од француската помош до крајот на 2022, изјави Главниот извршен директор, Ben Smith, на прес-конференција во Париз.
„Не сакаме да бидеме маргинализирани во Европа поради ограничувања за спроведување договори“, изјави Smith. Компанијата е поврзана со една од двете групи кои конкурираа за Italia Trasporto Aereo, наследникот на пропаднатата италијанска авиокомпанија Alitalia SpA.
Компанијата е „речиси готова“ со враќање на парите на Холандија, рече Smith. „Прашање е само тоа дали сме подготвени да ги затвориме сите овие кредити наспроти сите идни промени во ситуацијата“.
Враќање назад
Планот на Air France-KLM е дополнителен показател дека индустријата се враќа назад во нормала по забраните за патување од пандемијата, бидејќи побарувачката расте до нивоата од предходно во некои региони. Авиокомпанијата користи 90% од капацитетот од 2019 година, за да им удоволи на туристите подготвени да уживаат на одмор во странство после три години, а ги користи сите авиони што ги поседува, затворајќи некои од рутите низ Азија. Компанијата вработи околу 300 пилоти.
Истовремено, враќањето на Air France-KLM и конкурентите е сериозно отежнато од штрајковите и прекините во работата на аеродромите во некои земји поради недостигот на работници и барањата за покачување на платите, особено во некои од главните европски центри, како Schiphol во Амстердам.
Речиси четири години откако го презеде кормилото, Smith изјави дека е сигурен оти долгата историја на авиокомпанијата со работни судири и немири е намалена. „Смирување на водите“ со седумнаесетте синдикати на Air France беше неговата главна цел кога му била дадена позицијата на прв странски Главен извршен директор на авиокомпанијата.
Ова ќе биде проверено на 25 Јуни, за кога е најавен штрајк на еден синдикатите на пилоти на Air France, за што Smith изјави дека нема да има „никакво влијание“. Компанијата може да претрпи последици и од штрајкот на работниците во аеродромите, најавен за втори јули.
Покачување на цените
Авиокомпанијата ги покачи цените, како резултат на зголемените цени на нафтата и „инфлација насекаде“, што не ја намали „многу силната“ побарувачка, рече Smith. „Способноста да се надоместат и да се пренесат повисоки трошоци на потрошувачите е неверојатна“.
Air France-KLM ужива придобивки од позицијата на Париз како главна туристичка дестинација за побогатите патници, среќни да платат повеќе за седишта од бизнис и прва класа, рече Smith. Летот La Premiere на Air France е распродаден за трансатлантски летови за идните неколку седмици.
„Пробајте да купите седиште од Њу Јорк – невозможно е“, рече Smith, наведувајќи ги и цените за карти од прва класа до Лос Анџелес, што чинат по $17,872.
.webp){kind=icon}
