text size
Изгледите за раст на глобалната заработка годинава се слаби и покрај резултатите во првиот квартал, кои во САД и Европа беа подобри од очекувањата, сметаат стратезите на „Голдман Сакс“ (Goldman Sachs Group Inc.) и Банката на Америка (Bank of America Corp).
Силната инфлација и неодамнешните превирања во банкарскиот сектор веројатно ќе доведат до забавен економски раст во втората половина од годината, посочија стратезите на „Голдман Сакс“ (Goldman Sachs), вклучувајќи ги Питер Опенхајмер и Шерон Бел.
Тие предвидуваат „приближно рамен“ раст на заработката во повеќето региони оваа година и „многу мал раст на заработка по акција во Европа и САД до крајот на 2024 година“.
Банката очекува раст на заработката од пет проценти за САД и Европа во 2024 година, шест за Јапонија и 17 проценти за Азија, која имаше ниска основа во 2021 година. Опенхајмер беше песимист во поголемиот дел од минатата година и точно предвиде пад на акциите во втората половина од годината.
Слабиот изглед, во комбинација со високите процени за акциите, „не нуди голем принос за ризикот во споредба со приносот од пет отсто во готовина во американски долари, без ризик“, велат стратезите на „Голдман“.
САД и Европа имаа силна сезона на приходи во првиот квартал, откако аналитичарите ги намалија процените пред објавувањето на резултатите. Речиси 85 отсто од компаниите од S&P 500 пријавија заработка досега, а 79 отсто од тие компании ги надминале процените, според податоците собрани од „Блумберг интелиџенс“.
„И покрај здравата сезона на заработка во првиот квартал, проекциите за заработка по акција остануваат придушени“, наведуваат стратезите на Банката на Америка, вклучувајќи го и Мајкл Хартнет, во белешката од 4 мај. „Водечките показатели укажуваат на мало намалување во 2023 година“.
Тој посочува дека овие процени не одразуваат рецесиско опкружување и дека пазарот веќе ги филтрирал повеќето лоши вести. Хартнет беше во право изминатата година, предупредувајќи дека стравувањата од рецесија ќе поттикнат егзодус на акции, но неговата процена дека S&P 500 ќе падне на 3.800 до 8 март не се оствари.
Во меѓувреме, стратезите на „ЏП Морган“ (JPMorgan Chase & Co.), предводени од Мислав Матејка, порачаа дека иако компаниите ги надминале очекувањата, реакцијата на цените била слаба бидејќи акциите зајакнале непосредно пред сезоната на заработка. „Акциите на компаниите што ги надминаа процените имаат послаби резултати од вообичаено, додека оние што заостануваат се казнети повеќе во однос на историскиот просек“, се наведува во белешката.
.webp){kind=icon}
