„Антропик“ соопшти дека се придржува кон директивата на администрацијата на Трамп за суспендирање на пристапот на странски државјани до неговите модели за вештачка интелигенција „Фејбл 5“ (Fable 5) и „Митос 5“ (Mythos 5), и како резултат на тоа ги оневозможува алатките за сите корисници, вклучително и оние во САД.
„Американската влада, повикувајќи се на овластувања за национална безбедност, издаде директива за контрола на извозот со која се суспендира пристапот до ‘Фејбл 5’ и „Митос 5’ за секој странски државјанин, без разлика дали е во или надвор од САД, вклучително и странските вработени во ‘Антропик’,“ соопшти компанијата.
Директивата, која „Антропик“ соопшти дека ја добила во петокот во 17:21 часот, претставува најзначајната акција досега од администрацијата на Трамп за воведување ограничувања врз најсовремените модели. Доаѓа и покрај претходните изјави, вклучително и извршната наредба, дека САД нема да воведат лиценцирање за преглед на модели. Американски официјален претставник потврди дека писмото го испратило Министерството за трговија.
Прочитај повеќе
Тајната на различното лидерство: Дарио Амодеи го води „Антропик“ со само еден директен соработник
Додека повеќето технички директори управуваат со голем број раководители и се стремат да го прошират својот опсег на контрола, Дарио Амодеи од „Антропик“ користи сосема поинаков модел. Тој се фокусира на долгорочна стратегија, развој на вештачката интелигенција и културата на компанијата
пред 3 часа
„Антропик“ предлага пауза во развојот на вештачката интелигенција поради големи ризици
„Антропик“ повикува на итна пауза во развојот на вештачката интелигенција, предупредувајќи дека технологијата може да излезе од човечка контрола.
11.06.2026
„Гугл“ како гарант зад зделката за чипови на „Антропик“ од 35 милијарди долари
Зделката вредна 35 милијарди долари за чипови ја нагласува растечката меѓузависност на компаниите што ја обликуваат иднината на ВИ.
10.06.2026
„Морган Стенли“ и „Голдман Сакс“ го носат „Антропик“ на берза
Компанијата се обидува да стане првата голема фирма за вештачка интелигенција што ќе излезе на берза пред својот главен конкурент „Опен еј-ај“.
03.06.2026
Директивата додава дополнителен притисок врз „Антропик“, кој веќе се соочува со внимание од американската влада. На почетокот на годинава, Пентагон ја означи компанијата како ризик во синџирот на снабдување поради долготраен спор околу договорни ограничувања.
Ограничувањето може да го загрози растот на „Антропик“, една од највредните стартап компании во земјата, која се очекува наскоро да излезе на берза.
Директивата не даде конкретни детали за загриженоста на владата за националната безбедност, соопшти „Антропик“.
„Нашето разбирање е дека владата смета дека дознала за метод за заобиколување на ‘Фејбл ‘,“ соопшти компанијата. „Сепак, не се согласуваме дека откривањето на тесна потенцијална ранливост треба да биде причина за повлекување на комерцијален модел кој е веќе достапен на стотици милиони луѓе.“
„Антропик“, приватна компанија која долго време се позиционира како поодговорен развивач на вештачка интелигенција, прво го објави својот „Митос“ модел во април за ограничена група деловни и владини партнери, предупредувајќи на неговата способност да открива пропусти во сајбер-безбедноста. Оваа недела ја објави јавната верзија – „Фејбл 5“- со значајни ограничувања дизајнирани да спречат корисниците да го користат за потенцијално опасни цели во сајбер или биолошки области.
Објавувањето на „Митос“ ја забрза работата на администрацијата на Трамп на ВИ политиките, вклучително и неодамнешна извршна наредба која повикува на доброволен преглед на модели. Таа наредба експлицитно наведува дека ништо во неа не треба да се толкува како создавање задолжителен режим на лиценцирање.
.webp){kind=icon}
