Производителот на чоколади „Бери Калебо“ (Barry Callebaut AG) го одложи датумот за стопроцентно одржлив извор на какао, што претставува дел од пошироките напори за подобрување на следењето на зрната и искоренување на детскиот труд во синџирот на снабдување.
„Го продолжуваме рокот сите наши состојки да бидат сертифицирани или верифицирани до 2030 година, со цел да може да се следат и на ниво на фарма“, рече портпаролот на компанијата. Претходната цел беше 2025 година.
„Бери Калебо“, компанијата снабдувач на „Нестле“ (Nestle SA) и „Херши“ (Hershey Co), го објави денеска соопштението како дел од планот да ги „изостри“ своите цели за одржливост.
Производителите на чоколади се под притисок да ја подобрат одржливоста на своите производи поради тоа што потрошувачите бараат поголема одговорност. Во 2016 година, „Бери Калебо“, кој најмалку 60 проценти од своето какао набавува од Западна Африка, ги започна своите иницијативи, вклучувајќи и помагање на земјоделците да излезат од сиромаштијата и борбата против глобалното затоплување.
„Јасно е дека не можеме сами да ги достигнеме овие цели. За нашата стратегија да стане реалност ни треба јавна интервенција за да ги поттикнеме структурните промени надвор од нашиот директен синџир на снабдување“, рече Стивен Рецлаф, претседател на компанијата за глобално какао.
.webp){kind=icon}
Во моментов нема коментари за веста. Биди прв да коментира...