.webp){kind=icon}
Германската авиокомапнија Lufthansa AG откажува вкупно 3.100 летови откако нов бран со заразени со корона вирус ја влоши состојбата со недостигот на персонал, а тоа дополнително го зголеми хаосот во патувањата во Европа сега кога почнува клучниот период за летните одмори.
Водечката германска авиокомпанија денеска најави дека ќе укине 2.200 домашни и европски линии во текот на јули и август, откако овој месец беа откажани 900 летови. Тоа е околу четири отсто од капацитетот на овој превозник во овој период, изјави портпаролот на компанијата.
Побарувачката за патувања драматично се зголеми во Европа по укинувањето на ограничувањата кои беа воведени заради пандемијата, со тоа некои од компаниите беа доведени во тешка ситуација да се снаоѓаат и да ги изложуваат патниците на повеќечасовни редици и откажувања.
Прочитај повеќе
Вработените во British airways ќе штрајкуваат
Летовите ќе бидат пореметени во текот на летните одмори
23.06.2022
Новата епидемија на Ковид 19 иако е помалку смртоносна од претходните бранови, сепак предизвикува се повеќе изостаноци од работните места, влошувајќи го акутниот недостиг на работна сила.
Се поголемото незадоволство меѓу работниците кои бараат поголеми плати за да можат да одговараат на инфлацијата, придонесува за зголемување на проблемот, затоа што веќе има закани за штрајк и кај Ryanair и British Airways.
Овие настани се нов удар за европската авиоиндустриија која беше меѓу најтешко погодените во време на пандемијата, а воздухопловните компании и аеродромите изгубија милијарди евра. Превознците го намалија бројот на вработени во текот на здравтевсната криза и бавно се опоравуваат.
Откажувањето на летовите на Lufthansa придонесува и за проблеми на аеродормите во регионот. Група чешки тинејџери кои патувале на камп во Португалија е зафатена со хаосот. Нивниот лет со Lufthanza за Франфурт е одложен доцна синоќа, па го пропуштиле летот за Лисабон. Ноќта ја поминале во аерoдрoмскиот хотел без клима. Денеска уште чекаат потврда дали ќе полетаат. „Денеска требаше да гледаме некои морски животни, наместо тоа гледавме муви во хотелската соба“, се жалат патниците.
