Акциите на Борусија Дортмунд (Borussia Dortmund GmbH) паднаа најмногу во историјата откако фудбалскиот клуб ја пропушти титулата во Бундеслигата, при што „вечниот“ победник Баерн Минхен го престигна и ја зграби победата во последното коло од натпреварите, кое се одржа викендов.
Дортмунд започна во саботата на врвот на германската фудбалска лига, очекувајќи победа на домашен терен над екипата на Мајнц за да се осигури дека ќе го освои својот прв шампионат од сезоната 2011/2012. Но фудбалерите успеаја само да ремизираат, со резултат од 2:2, додека Баерн постигна победнички гол во последен момент во Келн, во драматична кулминација на сезоната.
Движење на акциите на Борусија Дортмунд / Bloomberg Mercury
Акциите на Дортмунд денеска паднаа дури за 32 процента на тргувањето во Франкфурт, што претставува најостар пад од неговото деби во ноември 2000 година. Акциите на германскиот фудбалски клуб минатата недела пораснаа за 31 отсто, бидејќи инвеститорите очекуваа голема веројатност тој да биде крунисан за шампион оваа сезона.
За Баерн ова е 11-та последователна титула во Бундеслигата и вкупно 33-та во историјата на клубот. И покрај тоа што стана шампион, Баерн викендов го смени својот извршен директор откако тимот не успеа да напредува подалеку од четврт-финалето во Лигата на шампионите, што се смета за најголема награда во европскиот клупски фудбал.
.webp){kind=icon}
Во моментов нема коментари за веста. Биди прв да коментира...