„Хенкел“ (Henkel AG) има право да ги откупи своите бизниси во Русија во следните десет години доколку условите темелно се променат, изјави главниот извршен директор Карстен Кнобел во интервју за весникот „Рајнише пост“ (Rheinische Post).
„Германската компанија би постапила според таа опција само ако односите со Русија значително се подобрат“, рече Кнобел. Според него, само крај на војната во Украина или прекин на огнот не би биле доволни.
Кнобел рече дека одредбата била дел од договорот на „Хенкел“, потпишан во април, да ги продаде своите деловни активности во Русија за околу 600 милиони евра (643 милиони долари) на конзорциум од локални финансиски инвеститори, вклучувајќи ги „Аугмент инвестментс“ (Augment Investments), „Кисмет капитал груп“ (Kismet Capital Group) и „Елбрус сервисис“ (Elbrus Services).
„Од друга страна, ’Хенкел’ бара аквизиции за да го засили и својот оддел за потрошувачки марки, кој продава шампони и детергенти за перење, како и својата единица што продава различни видови лепила“, додаде Кнобел.
.webp){kind=icon}
