Кинескиот производител на електрични автомобили БЈД (BYD) ја претстави новата серија возила наречена Фанг Ченг Бао (Fang Cheng Bao), со што ја прошири својата понуда во повисокиот пазарен сегмент.
Фанг Ченг Бао, што буквално значи „формула леопард“, е вториот премиум бренд што компанијата го претстави оваа година во обид да преземе подоминантна улога на глобалниот пазар на електрични возила. БЈД стана најпродаваниот автомобилски бренд во Кина откако неодамна го симна од тронот Фолксваген (Volkswagen), а брзо се израмнува и со Тесла (Tesla). Компанијата со седиште во Шенжен испорача 264.647 електрични возила во првиот квартал, во споредба со 422.875 на Тесла. Вклучувајќи ги и plug-in хибридите, БЈД продаде 547.917 возила во тој период.
Првиот модел од серијата Фанг Ченг Бао е теренец. БЈД не ја откри цената, ниту пак кажаа дали ќе се работи за исклучиво електрично возило или ќе се нудат и plug-in хибриди.
Откако го освои понискиот сегмент на пазарот со електрични возила кои се продаваа веќе од 10.400 долари, БЈД сега се шири во луксузниот сегмент. Компанијата годинава го лансираше и луксузниот теренец „јангванг“ (Yangwang) со претпродажна цена од 1,1 милиони јуани (154.680 долари). И серијата Фанг Ченг Бао и „јангванг“ се во сегменти кои можат да донесат подобри маржи од попристапните седани и теренци на БЈД како моделите „дајнасти“ (Dynasty) и „оушн“ (Ocean).
Новиот бренд „таргетира побогата база на клиенти кои во моментов купуваат увезени луксузни брендови и пред неколку години не ни би размислувале за БЈД“, рече Џек Шеа, главен финансиски директор на хеџ фондот „Сноу бул“ (Snow Bull Capital) со седиште во Шенжен, кој инвестира во БЈД и Тесла. „Ова ќе му помогне на БЈД да ги подобри своите финансиски резултати веднаш штом ќе започнат испораките“, додаде тој.
Минатата недела БЈД ја објави својата рекордна квартална продажба.
Лансирањето на серијата Фанг Ченг Бао дојде еден ден откако Кина објави нови стимулации за развој на автомобилската индустрија. Продажбата на возила низ целата земја се зголеми за околу 29 отсто во мај во однос на истиот период минатата година, достигнувајќи 1,74 милиони возила, а возилата со алтернативен погон сочинуваат една третина од вкупниот број. Кина е најголемиот светски пазар за електрични возила.
Прочитајте повеќе: Субвенции за електрични возила низ 11.000 окрузи и села во Кина
Цената на акциите на БЈД се зголеми за 1 процент до 10 часот во Хонгконг, со што годишниот раст го зголемија на 30 проценти.
.webp){kind=icon}
Во моментов нема коментари за веста. Биди прв да коментира...