.webp){kind=icon}
Компанијата „Епл“ (Apple) присилно ги испрашувала вработените во продавниците за нивните синдикални тенденции и ја ограничила циркулацијата на синдикални летоци, пресуди судија во американскиот одбор за труд, што ја означи победата на организаторите на трудот врз највредната компанија во светот.
Во пресудата од вторникот, судијата на Националниот одбор за работни односи напиша дека „Епл“ ги прекршил правата на работниците во продавницата на Светскиот трговски центар во Њујорк, една од неколкуте низ целата земја каде што работниците водеа синдикални кампањи минатата година.
Судијата посочи дека од „Епл“ треба да се побара да престане и да се откаже од присилното испрашување на работниците за нивниот активизам, кој, патем, е заштитен со закон. Според одлуката, треба да престане и трендот на одземање просиндикална литература во собите за одмор и „попречување, ограничување или принудување на вработените“ во остварувањето на нивните права.
Bloomberg
Пиар-менаџерот на „Епл“ немаше коментар. Компанијата со седиште во Купертино, Калифорнија, претходно негираше одговорност.
„’Епл’ поттикнува отворена и инклузивна работна средина, каде што на вработените не само што им е дозволено туку и се охрабруваат да ги споделат своите чувства и мисли за низа прашања, од теми за социјална правда, еднаквост во платите и сè друго што сметаат дека е важна причина за унапредување на работничката позиција“, рече адвокатот на компанијата Џејсон Станевич на сослушувањето во јануари.
Oдлуката на судијата за управно право на НЛРБ може да се обжали до членовите на одборот во Вашингтон, а оттаму до федералниот апелациски суд. Агенцијата има овластување да нареди промени во политиките на компанијата, но не и да ги смета директорите лично одговорни за прекршоци или да наметне казнена отштета.
Работниците во две од околу 270 малопродажни продавници на „Епл“ гласаа за синдикално здружување минатата година, во Мериленд и Оклахома, во услови на поширок бран на значајни организациски победи во компаниите што долги години немаа синдикални здружување, како што се „Старбакс“ (Starbucks Corp.), „Амазон“ (Amazon.com Inc.) и „Чипотле“ (Chipotle Mexican Grill Inc.)
