.webp){kind=icon}
Доналд Трамп не ги исполнуваа условите да биде претседател на САД поради неговите постапки што го поттикнаа нападот врз американскиот Капитол на 6 јануари 2021 година, одлучи највисокиот суд во Колорадо, во пресуда без преседан насочена кон Врховниот суд на САД.
Врховниот суд во Колорадо ја донесе одлуката во вторникот, забранувајќи му на Трамп да се кандидира на примарните избори во сојузната држава, но ја одложи за да му дозволи на поранешниот претседател да поднесе жалба, што неговиот штаб соопшти дека планира да го направи. Тој има рок до 4 јануари, според пресудата на државниот суд, пишува „Блумберг“.
Пресудата е првата во која се наведува дека напорите на Трамп да ги поништи изборните резултати во 2020 година го прават неподобен да се кандидира повторно, според одредбата од американскиот устав од периодот по Граѓанската војна, која им забранува на бунтовниците да извршуваат јавни функции.
Прочитај повеќе
Баербок: Европа сега е подобро подготвена во случај на нова победа на Трамп
Германската министерка за надворешни работи вели дека Европа ќе биде подобро подготвена доколку Доналд Трамп се врати во Белата куќа.
18.09.2023
Со фотографијата од затвор Трамп собра милиони долари
Откако беше уапсен во четвртокот во Џорџија, поранешниот американски претседател успеа да собере донации од 7,1 милиони долари.
28.08.2023
Трамп уверен во водството - нема да учествува во првичните претседателски дебати
Доналд Трамп најави дека ќе ги прескокне првичните дебати против другите републикански претседателски кандидати.
21.08.2023
Ново обвинение против Трамп - во 2020-та вршел притисок да се променат изборните резултати
Големата порота во сојузната американска држава Џорџија го обвини Доналд Трамп за обид да ги смени резултатите од изборите во САД.
15.08.2023
„Непосредните и експлицитни напори на претседателот Трамп, во текот на неколку месеци, да ги поттикне своите поддржувачи да маршираат кон Капитол за да го спречат она што тој лажно го окарактеризира како наводна измама врз граѓаните на таа земја, беа несомнено отворени и доброволни“, се наведува во пресудата 4-3 од судот. Сите седум судии се назначени од демократски гувернери.
„Понатаму, доволно бројни се доказите дека претседателот Трамп ги презел сите овие дејства за да помогне и да поттикне заедничка незаконска цел што тој самиот ја замислил и иницирал: да го спречи Конгресот да ги потврди претседателските избори во 2020 година и да ја запре мирната транзиција на власта“, наведува судот.
Покрај жалбата, Трамп планира да бара одложување за да го спречи стапувањето во сила на пресудата, се наведува во соопштението од неговиот штаб. Паузата може да се продолжи до 4 јануари, во зависност од тоа кога Врховниот суд ќе одлучи дали ќе го разгледа случајот. Судот му нареди на државниот секретар во Колорадо да го задржи името на Трамп на претседателските избори додека за тоа не одлучи Врховниот суд на САД.
„Лидерите на Демократската партија се во состојба на параноја поради зголеменото водство на претседателот Трамп во анкетите“, се наведува во соопштението од штабот на Трамп. „Тие ја изгубија довербата во неуспешното претседателство на Бајден и сега прават сè што можат за да ги спречат американските гласачи да ги исфрлат од функцијата следниот ноември“.
Пресудата дојде откако беше утврдено дека Трамп има водечка позиција на републиканските прелиминарни избори, поставувајќи ја основата за реванш против Бајден, кој го гледа Трамп како егзистенцијална закана за демократскиот систем. Анкета на „Блумберг њуз“/„Морнинг консалт“ објавена минатата недела покажа дека Трамп води пред Бајден за пет процентни поени меѓу регистрираните гласачи, во директна пресметка меѓу седум држави.
