.webp){kind=icon}
Технолошкиот гигант „Епл“ (Apple) им ограничи на своите вработени да го користат популарниот четбот базиран на вештачка интелигенција ЧетГПТ (ChatGPT). Како причина за ограничувањето тие го наведуваат стравот од загрозување на чувствителните податоци на нивната корпорација.
Според истрагата на „Волстрит журнал“ (The Wall Street Journal), откриен е внатрешен документ испратен до вработените на „Епл“ што ја забранува употребата на ЧетГПТ. Една од причините е интегрирањето на четботот со алатките на „Мајкрософт“ (Microsoft), додека „Епл“ е ориентиран кон развој на сопствена технологија за вештачка интелигенција.
Покрај ограничувањето на ЧетГПТ, се споменува и ограничување на алатката за вештачка интелигенција на „Гитхаб“ (GitHub), „Копилот“ (Copilot), која исто така е во сопственост на „Мајкрософт“. Тоа е апликација што го автоматизира пишувањето на софтверски код. Така, големото ривалство меѓу „Епл“ и „Мајкрософт“ продолжува со битка за пиедесталот на вештачката интелигенција.
Прочитај повеќе
ЧетГПТ отсега и како апликација за телефон
Компанијата „Опен еј-ај“ за првпат ќе обезбеди пристап до својот ЧетГПТ преку паметни телефони.
19.05.2023
„Самсунг“ забрани вработените да користат вештачка интелигенција
„Самсунг“ ја забранува употребата на популарните алатки за генеративна вештачка интелигенција (како што е ЧетГПТ) од страна на вработените.
03.05.2023
Сноуден: ВИ и ЧетГПТ се уште поголема закана за приватноста
Едвард Сноуден, еден од најпознатите свиркачи во светот, минатиот четврток преку видеоврска се приклучи на Деновите на комуникацијата во Ровињ.
24.04.2023
Да се плашиме од вештачката интелигенција или не, прашање е сега
Дури и оние што се преплашени од оваа технологија не можат да се согласат од каде доаѓа заканата.
19.05.2023
Еј „Епл“, каде е твојот четбот?
„Мајкрософт“, „Алфабет“ и „Амазон“ се натпреваруваат во трката за развој на четботови, но „Епл“ го нема на повидок.
01.05.2023
Прва студија во реални услови: ВИ ги прави работниците поефикасни за 14 отсто
Работниците во одделот за поддршка за корисници во софтверска фирма станале во просек за 14 отсто попродуктивни.
27.04.2023
Покрај „Епл“, други корпорации исто така почнаа да ја ограничуваат употребата на ЧетГПТ. „Самсунг“ (Samsung) на почетокот на месецов во писмо до своите вработени забрани употреба на алатки базирани на вештачка интелигенција.
„Самсунг“ им порача на вработените што користат такви апликации на лични уреди да не поставуваат никакви информации за корпорацијата или може да се соочат со „дисциплински мерки, вклучувајќи и престанок на работниот однос“.
Покрај „Самсунг“ и „Епл“, компаниите како „ЏП Морган“ (JPMorgan), Банката на Америка (Bank of America), „Голдман Сакс“ (Goldman Sachs) и „Ситигруп“ (Citigroup) исто така ја забранија внатрешната употреба на алатки за вештачка интелигенција како ЧетГПТ.
Многу компании што им забрануваат на вработените да користат четботови со вештачка интелигенција исто така се во процес на креирање сопствени апликации. Уште на почетокот на мај, извршниот директор на „Епл“, Тим Кук, изјави дека компанијата планира да интегрира вештачка интелигенција во своите производи.
