Фабричките нарачки во Германија неочекувано растат

Нарачките на германските фабрики во јуни неочекувано пораснаа најмногу во последните три години, што е знак дека најголемата европска економија се стабилизира. Побарувачката се зголеми за 7 отсто од мај, пркосејќи им на сите проекции на економистите за пад. Ненадејното зголемување се должи на големите нарачки, без кои податоците би покажале пад од 2,6 отсто. Иако извештајот сигнализира подобрување, добивката исто така го одразува враќањето по падот од 10,9 отсто во март, што сега е „компензирано“ според официјалните лица за статистика. На тримесечна основа, нарачките се зголемија за само 0,2 отсто, исход што се отсликува со вкупните перформанси на економијата во вториот квартал, кога стагнираше по зимската рецесија.

Bloomberg Mercury

 

Изгледите се помалку ветувачки, затоа што ПМИ (индексот на менаџерите за набавка) за производство за јули дава лоша слика. Индустријата страдаше поради лошата побарувачка во Кина, втората по ред светска економија, која и сама го губи растот. Податоците за германското производство, кои се очекува да бидат објавени в понеделник, можеби и понатаму ќе покажат постојана слабост. Производството веројатно е во пад во јуни според процените на аналитичарите, кои сугерираат дека производството останува на пониско ниво споредено со првиот квартал.

И податоците на за француското индустриско производство објавени во петокот се во иста насока. Бројките паднаа за 0,9 отсто во јуни, повеќе од падот од 0,3 отсто предвиден од економистите. Падот на производството најмногу се одрази  кај електричната опрема и производството на автомобили, според агенцијата за статистика „Инсе“ (Insee). Производството од енергетски интензивните сектори, како што се хемијата, челикот и хартијата, претрпе големи штети во последниве месеци бидејќи фабриките се мачеа со скок на трошоците за електрична енергија и договори за природен гас.

Во моментов нема коментари за веста. Биди прв да коментира...

Остави коментар