„Тесла“ повторно ги намали цените на автомобилите во Кина

„Тесла“ (Tesla Inc) започна нова рунда на намалувања на цените во Кина, предизвикувајќи пад на акциите на автомобили. По знаците дека конечно им се става крај на ценовните бранувања во автомобилскиот сектор, со овој потег се појавува ризик дека повторно ќе има разгорување на ценовната војна.

Производителот на електрични автомобили „Тесла“ ја намали цената на врвните верзии со долг дострел и перформанси на спортското корисно возило „модел У“ (Model Y) за 14.000 јуани (1.900 долари), на 299.900 јуани и 349.900 јуани, соодветно, според објавата на „Веибо“ (Weibo). Покрај намалувањето на цената на автомобилите, до крајот на месецот ќе продолжи и мерката за субвенција за осигурување од 8.000 јуани за новокупените возила со погон на задните тркала „модел 3“ (Model 3).

Bloomberg

Намалувањето на цените следува по одлуката на брендот „Зекр Гили“ (Zeekr Geely Automobile Holdings) минатата недела да ги намали цените дури за 37.000 јуани. На почетокот на овој месец и компанијата „Жеџијанг“ (Zhejiang Leapmotor Technologies) ги намали автомобилите дури за 20.000 јуани. „Тесла“ ја предизвика ценовната војна со првичната рунда намалувања минатата година, пред понатамошните попусти во јануари, кои ги оставија произведените автомобили на компанијата дури 14 отсто поевтини од минатата година, а во некои случаи и речиси 50 отсто поевтини за разлика од цените во САД и во Европа.

Најпродаваниот автомобилски бренд во Кина, БИД (BYD Co), потона 7,6 отсто заклучно со 11.40 часот на берзата во Хонгконг. Акциите на „Ли авто“ (Lee Auto Inc.) беа намалени за 3,9 отсто, а на „Лепмотор“ (Leapmotor Technologies Ltd) се намалија за 6,4 отсто. „Конкуренцијата во цените беше и ќе остане постојана тема на кинескиот автомобилски пазар“, рече Џоана Чен, аналитичар за автомобили во „Блумберг интелиџенс“. „’Тесла’ се обидува да продолжи со зголемувањето на обемот откако јулските продажби покажаа забавување на внесувањето нарачки без нови модели за да ги привлечат кинеските купувачи“.

Испораките на „Тесла“ во Кина паднаа за 31 отсто во јули, на најниско ниво оваа година, исто како што производителот на автомобили планира наскоро да го претстави обновениот седан „модел 3“ од својата фабрика во Шангај. Продажбата на електрични автомобили во Кина се намали во јули во однос на јуни, иако купувањата се префрлија кон главните играчи со БИД, „Ли ауто“ и „Нио“.

Во моментов нема коментари за веста. Биди прв да коментира...

Остави коментар