.webp){kind=icon}
Компаниите на Џејми Оливер остварија раст на профитот и приходите по падот кој беше забележан во последните неколку години. Бизнисите на готвачот, кои вклучуваат и издавање книги за готвење, телевизиски емисии, училиште за готвење, прехранбени производи и ресторани, ги зголемија приходите на 29,7 милиони фунти (37,9 милиони долари) за 2022 година и исплатија дивиденди од 6,8 милиони фунти.
Некои области растеа особено брзо, или само училиштето за готвење на Џејми Оливер ги зголеми приходите за 35 проценти.
Бизнисите на Оливер минуваа низ тежок период во изминатите неколку години, откако ланецот ресторани „Џејмис италијан“ (Jamie’s Italian) пропадна во 2019 година, што доведе до затворање на 22 ресторани, губење на 1.000 работни места и долг од околу 83 милиони фунти. Овој период беше „без сомнение еден од најтешките времиња во мојот живот“, изјави Оливер.
Британскиот шеф Џејми Оливер/Bloomberg
Но, надвор од Обединетото Кралство, Оливер отвори 13 ресторани на нови локации, проширувајќи се на 70 ресторани во 22 земји. Оваа пролет, тој објави дека ќе го отвори својот прв нов ресторан во Велика Британија по четири години. Ќе се вика „Џејми Оливер Кетрин стрит“ (Jamie Oliver Catherine Street), а ќе се наоѓа во Вест Енд во Лондон. Менито ќе се фокусира на независни добавувачи и треба да ја покаже британската прехранбена култура. Според планот, овој ресторан ќе биде отворен во ноември годинава.
Оливер (48) првично се прослави со неговото готварско шоу „Гол готвач“ што се емитуваше во 1999 година. Сепак јавноста најмногу дозна за него со школските вечери - „Џејмис скул динерс“ (Jamie's School Dinners), ТВ-шоу што ја разоткри неквалитетната храна што им се служи на децата во училиште. Оттогаш има издадено 32 книги за готвење. Во 2020 година беше објавено дека тој продал 14,55 милиони примероци, за 180 милиони фунти.
Bloomberg Mercury
Главниот извршен директор на групацијата „Џејми Оливер“, Кевин Стајлс, рече: „Резултатите за 2022 година покажуваат дека имаме поставени основи од кои можеме да продолжиме да го развиваме нашиот бизнис, ставајќи ги нашите клиенти на прво место, служејќи им на нивните потреби за време на оброците преку низа релевантни решенија за медиуми и производни решенија како ресторанските и готвачки искуства.
„Планираме да ги собереме сите аспекти на нашата групација, вклучително и медиумите, рестораните, производите и Министерството за храна, со силен план за дигитална трансформација.
