„Фолксваген“ (Volkswagen AG) отпушта привремени работници во својата главна фабрика за електрични возила во Германија поради намалените нарачки за своите електрични возила во Европа. Производителот планира да отпушти речиси 300 луѓе во фабриката во Цвикау кога нивните договори ќе истечат во октомври, наведуваат за „Блумберг“ извори запознаени со состојбата. Судбината на околу 2.000 работници, дополнителен привремен персонал, останува неизвесна, наведуваат изворите, кои одбија да бидат именувани бидејќи сè уште не е донесена конечна одлука.
„Фолксваген“ се бори да продаде доволно електрични автомобили, главно произведени во Германија, за да ја оспори глобалната доминација на „Тесла“. Слабиот економски раст и повисоките трошоци за енергија, живот и позајмување во Европа влијаеја на побарувачката за електрични возила од серијата ID. Сепак, нарачките од корпоративните клиенти, кои сочинуваат околу 70 проценти од нарачките за возила од серијата ID направени во фабриката, се поретки откако федералните субвенции за компаниските возила на батерии истекоа овој месец, истакна еден од изворите.
Bloomberg
Портпаролот на „Фолксваген“ одби да коментира.
Во исто време, „Фолксваген“ ги следи „Тесла“, БМВ и други во извозот на електрични возила од поевтината Кина во Европа. Нивниот бренд „Купра“ ги објави плановите за производство на теренецот „таваскан“ во фабриката во Анхуи. Овој модел е направен на истата хардверска и софтверска платформа како и серијата ID, а на европскиот пазар треба да се појави во 2024 година.
Останува нејасно како се обликува конкурентното опкружување за автомобилите од кинеско производство, откако Европската Унија во средата објави дека започнува истрага за кинеските субвенции за електрични возила за да се спречи поплавата од евтин увоз.
Германија исто така постепено ја намалува поддршката за приватните купувачи во наредните месеци, зголемувајќи ги трошоците за моделите ID, кои се веќе поскапи од сличните понуди од Стелантис“ и „Рено“.
Германската новинска агенција ДПА беше првата што пишуваше за можните кратења на работните места. „Фолксваген“ планира да произведува дури 330.000 возила годишно во Цвикау, што ќе ја направи една од најголемите фабрики од тој тип во Европа.
„Е и ППФ Телеком“ постигна договор за купување на 100 отсто од акциите на „Јунајтед Србија Броудбенд“ (United Serbia Broadband - SBB) за 825 милиони евра.
Тикток ќе биде погоден со казна за кршење на приватноста од повеќе од 500 милиони евра поради нелегално испраќање податоци на европските корисници во Кина.
Истрагата на ЕУ откри дека 16 големи производители на автомобили, како и Европската асоцијација на производители на автомобили, пред повеќе од 15 години склучиле договори против пазарната конкуренција.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
