Две од најголемите европски авиокомпании објавија уште една рунда откажувања, зголемувајќи го нарушувањето што го претвора летото за закрепнување на туристичкиот сектор од пандемијата во кошмар.
Холандскиот огранок на „Ер Франс“ - КЛМ (KLM) планира да откаже дури 20 повратни летови до европските дестинации секој ден до крајот на август. „Луфтханза“ Deutsche Lufthansa AG соопшти дека ќе откаже неколку стотици летови следната недела.
Европската авијациска индустрија претрпе невидени тесни грла и долги редови за чекирање на аеродромите од Лондон, преку Брисел, до Дизелдорф. Прекините се предизвикани од работните спорови, недостигот на персонал и намалувањето на трошоците за време на пандемијата, кои сега се им враќаат на авиокомпаниите, како што патувањата се засилуваат за напорниот летен период.
Поради приземјувањето на летовите, на некои аеродроми се трупа багаж.
Тридневните штрајкови минатата недела на аеродромот во Париз, „Шарл де Гол“ оставија десетици илјади торби заглавени во најголемиот меѓународен центар во Франција. Францускиот министер за транспорт, Клемент Боне, денеска изјави дека можеби ќе биде потребна една недела за да се расчистат илјадници куфери.
Вечерни летови
„Мерките на KLM се дизајнирани да го смират оперативниот стрес врз персоналот на аеродромите и во авиокомпанијата“, се вели во соопштение на авиопревозникот. Портпаролката на „Луфтханза“ посочи дека откажувањето на вечерните летови има за цел да спречи прекин на други линии.
Двата превозника се обидуваат да ја намалат вжештената побарувачка за билети со цел да го намалат притисокот врз работењето. KLM силно ќе ја ограничи преостанатата продажба на билети на своите Cityhopper и европски линии за да им овозможи на клиентите чии летови се откажани повторно да резервираат, соопшти превозникот. „Луфтханза“ ги продава своите преостанати билети за јули за минимум 500 евра, што значи дека дури и повратен лет од Франкфурт до Берлин во економска класа би чинел 1.000 евра.
Потегот на KLM доаѓа по веќе значајното ограничување во продажбата на билети од страна на авиокомпанијата, откако аеродромот Шипхол презеде драстични мерки за ограничување на капацитетот ова лето поради недостиг на персонал за безбедност.
Недостигот на ракувачи со багаж остави илјадници куфери заглавени на холандскиот аеродром, порача портпаролот.
.webp){kind=icon}
