.webp){kind=icon}
На продажбата на автомобили која е погодена од недосигот на полупроводници може ќе и биде потребно до 2024 за да се врати во нормала, под претпоставка дека глобалната економија ќе доживее блага рецесија, а не длабок пад, изјави главниот извршен директор на фрацускиот произведувач на гуми, Michelin.
Автомобилската индустрија се справува со тешка година, како резултат на недостигот на чипови, руската инвазија на Украина, новите случаи на ковид во Кина и растот на цените на струјата и гасот, што создава нов притисок врз снабдувачите, изјави тој.
„Како што дискутиравме и лани, моја претпоставка беше дека нема да почнеме вистински да закрепнуваме пред средината на 2023“, изјави главниот извршен директор Florent Menegaux во саботата, во интервју за Bloomberg Television.
Прочитај повеќе
Јапонските производители профитираат на германскиот автопазар
Сите германски гиганти бележат пад на продажбата споредено со претходно
06.07.2022
Цела година паѓа продажбата на автомобили во Европа: Анализа
Најтешко погоден, меѓу големите производители на автомобили е Volkswagen AG, кој забележа пад на продажбата за повеќе од 21 отсто во однос на истиот месец минатата година
16.06.2022
Голем пад на увозот на употребувани автомобили
Во првиот квартал од годинава биле увезени вкупно 4.158 употребувани автомобили
15.06.2022
Автомобилската индустрија во криза, македонските инвестиции под ризик
Во мај годинава, регистрациите на патнички возила во ЕУ паднаа за 11,2 отсто. Надолниот тренд трае веќе 11 месеци
04.07.2022
Во моментов, се чини дека автомобилската индустрија ќе почне да закрепнува дури во 2024, доколку нема длабока рецесија, рече тој, додавајќи дека предвидува „благ“ глобално економски пад сега за сега.
Додека светскиот пазар за автомобили можеби ќе се врати до нивоата пред пандемијата во 2024, продажбата во Европа можно е да заостане, бидејќи купувачите се двоумат за тоа какво возило да купат, како резултат на построгите еколошки регулации, кои би влијаеле врз вредноста на нивните автомобили на пазарот за продажба од втора рака, кажа Florent Menegaux.
Тој вели дека гумите за нови автомобили претставуваат само 13% од добивката на компанијата.
Француската компанија беше индиректно погодена од недостигот на полупроводници бидејќи доставата на опрема потребна за производство на гуми беше одложена, изјави тој.
Michelin мора да се справи и со растот на патните трошоци, делумно како резултат на недостигот на возачи, откако илјадници украински возачи се вратија дома за да се борат против Русија, и делумно како резултат на растечките цени на енергенсите, особено во Европа, „каде што ќе биде тесно со резерви, а и скапо“, објасни тој.
Фирмата ги качи цените на гумите три пати во изминатите шест месеци, вели Menegaux. „За среќа, нашите купувачи се уште сакаат да платат за нашите гуми,“ изјави тој.
„Ние доживеавме голем број на непредвидени кризи“, рече тој. „Сега знаеме како да функционираме во овие бурни околности“.
