.webp){kind=icon}
„Волмарт“ (Walmart Inc.), синџирот на супермаркети што вработува повеќе работници од која било друга компанија во светот, планира да отпушти стотици вработени и да ги врати во канцеларија оние што работат оддома, изјави за „Блумберг“ (Bloomberg) извор запознаен со случувањата во компанијата.
Вработените во помалите канцеларии во Далас, Атланта и во Торонто ќе бидат преместени во поголеми центри, од кои еден е седиштето на компанијата во Бентонвил, Арканзас. Компанијата, која управува со синџир хипермаркети, ќе премести и некои вработени во областа Сан Франциско.
На работниците ќе им биде дозволено да одржуваат договори за скратено работно време и ќе можат да работат оддома сè додека работат поголем дел од времето во канцеларија, додаде изворот на „Блумберг“, кој не сакаше да биде именуван бидејќи не е овластен да зборува за плановите на компанијата.
Портпаролот на „Волмарт“ одби да ги коментира наводите.
Компаниите низ светот се обидуваат да ги вратат своите вработени во канцеларија по пандемијата. „Волмарт“, најголемиот синџир на супермаркети во светот, е и најголемиот работодавец во приватниот сектор и има приближно 4.600 продавници во САД.
„Волстрит журнал“ (Wall Street Journal) беше првиот што извести за промените во компанијата.
