Милијардерот од „Зара“, Ортега, купи хотел во Париз за 113 милиони долари

Модниот милијардер Амансио Ортега го купи хотелот „Банке“ во Париз за 97 милиони евра (113 милиони долари), што е второ стекнување имот на основачот на брендот „Зара“ во француската престолнина во последната година.

Семејната канцеларија на Ортега, „Понтегадеа“, ја купи зградата од „Дерби хотелс“ (Derby Hotels), изјави портпарол на шпанската фирма, потврдувајќи го извештајот во весникот „Експанзион“ (Expansion). Хотелот со пет ѕвезди се наоѓа во центарот на Париз, во близина на оперскиот театар „Палас Гарние“ (Palais Garnier).

Хотелот во Париз Google Maps

 

„Понтегадеа“ држи удел од 59 проценти на Ортега во компанијата „Индитекс“ (Inditex SA), која е сопственик на „Зара“ и своите дивиденди главно ги реинвестира во недвижности. Семејната канцеларија вложува и во инфраструктура и енергетски имот.

Оваа година, Ортега веќе купи станбени згради во Форт Лодердејл во сојузната држава Калифорнија за околу 165 милиони евра и деловна зграда во Барселона за 250 милиони евра. Ова ќе биде прва година 89-годишниот Ортега да добие повеќе од тро милијарди евра дивиденди од „Индитекс“, компанијата што ја основал пред повеќе од 50 години во северозападна Шпанија.

Во 2024 година, „Понтегадеа“ купи комерцијална зграда во Париз за околу 200 милиони евра.

Стратегијата на „Понтегадеа“ е да инвестира главно во луксузни комерцијални и станбени недвижности, претежно во неколку градови во Западна Европа, како и во САД и Канада. Фирмата ретко инвестира во хотели.

„Индитекс“, најголемата светска фирма за облека, има пазарна вредност од 136 милијарди евра. Личното богатство на Ортега изнесува околу 103 милијарди евра, што го прави најбогатиот човек во Шпанија и вториот најбогат во Европа, според индексот на милијардери на „Блумберг“.

 

— Текстот е напишан со помош од Клара Хернанц Лизарага.