Поднесоците за стечај во Шведска се искачија на највисокото месечно ниво од почетокот на евиденцијата во 1999 година, според податоците за октомври собрани од агенцијата за наплата на кредити „Кредитсејф“ (Creditsafe).
Во текот на месецот стечајна постапка отвориле 795 друштва со ограничена одговорност, што претставува зголемување од 18 отсто во однос на октомври минатата година и 77 отсто во однос на истиот месец во 2021 година.
„Не сме биле никаде блиску до толку високо ниво за октомври досега“, изјави во средата извршниот директор на „Сверге“ (Sverige) и агенцијата „ Кредитсејф “, Хенрик Џејкобсон. Многу компании основани за време на пандемијата на Ковид „сега се соочуваат со бура од макроекономски предизвици“, додаде тој.
Bloomberg Mercury
Стечаите во градежниот сектор во Шведска годинава се зголемени за 35 отсто, во малопродажбата за 32 отсто, а во угостителството за 31 отсто.
Нескротливата инфлација и зголемувањето на каматните стапки од „Риксбанк“ за една и пол година ја погодуваат најголемата нордиска економија, каде што потрошувачите ги намалуваат трошоците, при што продажбата на мало опаѓа 17 последователни месеци на годишна основа. По падот на цените на куќите во поголемиот дел од 2022 година, изградбата на куќи речиси запре, бидејќи градежниците се борат со повисоки трошоци.
Многу од комерцијалните сопственици во земјата, исто така, беа под притисок од повисоките трошоци за задолжување, а шведската круна во последните месеци падна на рекордно ниско ниво во однос на еврото.
Неодамнешните податоци, исто така, покажуваат дека пазарот на трудот сега слабее по обезбедувањето поддршка на економијата, а производството се очекува да се намали оваа година.
Податоците на „Кредитсејф“ ги вклучуваат компаниите кога е прогласен банкрот по поднесување, рече портпаролката Сандра Андерсон во одговорот по е-пошта на прашања. Може да поминат години пред да се заврши вистинскиот банкрот, рече таа.
.webp){kind=icon}
