„Хјундаи“ (Hyundai Motor Co.) ќе започне со изградба на нова фабрика за електрични возила (ЕВ) во Јужна Кореја, со производствен капацитет од 200.000 автомобили годишно.
Производителот на автомобили во понеделникот одржа церемонија за поставување камен-темелник во Улсан, каде што компанијата ја изгради својата прва фабрика за автомобили во 1968 година. Работата ќе започне во текот на годинава, а масовното производство е предвидено за првиот квартал на 2026 година, кога луксузниот теренец „џенезис“ (Genesis) ќе излезе од производствената линија.
Компанијата ќе инвестира 1,5 милијарда долари во изградбата на фабриката, која ќе зафаќа 548.000 квадратни метри на поранешна тркачка патека. Локацијата се наоѓа во фабричкиот комплекс на „Хјундаи“, Улсан, кој веќе има годишен производствен капацитет од 1,4 милион автомобили.
На церемонијата на поставувањето на камен-темелникот присуствуваа политичари, градоначалникот на градот, работници во сини костуми на „Хјундаи“ и пензиониран менаџер на фабриката, кој работел во комплексот во 1970-тите. Барањето на синдикатот на „Хјундаи“ и градските власти беше токму изградба на нова фабрика за електрични возила во Јужна Кореја.
„Улсан преживува поради 'Хјундаи'“, рече градоначалникот Ду гју Ким на церемонијата „Те сакаме, ’Хјундаи’!“
Чунг Еуисун, извршен претседател на „Хјундаи“, исто така ја нагласи важноста на градот, велејќи: „Улсан е местото каде што започна автоиндустријата на Јужна Кореја, кога земјата страдаше од последиците од војната. Оваа фабрика посветена на електрични возила со паметна технологија ќе го направи работното место поефикасно и побезбедно“.
„Хјундаи“ исто така гради фабрика за електрични возила во американската држава Џорџија за да ги исполни барањата на Законот за намалување на инфлацијата на претседателот Џо Бајден, кој нуди даночни олеснувања за електрични возила произведени во САД. Поврзаната компанија „Киа“ (Kia Corp.) исто така гради фабрика за електрични возила во јужнокорејскиот град Хвасеонг.
„Хјундаи мотор груп“ (Hyundai Motor Group), која ги контролира марките „Хјундаи“, „Киа“ и „Џенезис“, планира да го зголеми годишното производство на електрични возила во Кореја на 1,51 милион автомобили до крајот на деценијава, што претставува околу 40 отсто од проценетото глобално производство на електрични возила на групата од 3,64 милиони возила.
„Ние постојано ги разгледуваме проблемите со инфраструктурата, проблемите со полнењето на електричните возила“, рече Чанг. „Но би рекол дека електричните возила сè уште го предводат трендот“.
.webp){kind=icon}
