.webp){kind=icon}
„Спотифај“ (Spotify Technology SA) соопшти дека ќе ја намали својата работна сила за 17 отсто бидејќи компанијата се соочува со побавен раст.
Вработените ќе бидат известени в понеделник и ќе се сретнат со менаџерите за човечки ресурси до крајот на денот во вторник, соопшти платформата за стриминг на музика.
„Сè уште имаме премногу луѓе што се занимаваат со поддршка, па дури и такви што работат околу работата, наместо да придонесуваат за можности што ќе имаат вистинско влијание“, посочи извршниот директор и основач Даниел Ек. „Повеќе луѓе треба да бидат фокусирани на обезбедување услуги за нашите клучни чинители - креаторите и потрошувачите“.
„Компанијата ќе се фокусира на помала структура, која ќе ѝ овозможи стратегиски да го реинвестира профитот во бизнисот“, рече Ек.
