„Нокиа“ ја намали својата долгорочна прогноза за профитабилност откако го загуби клучниот договор со САД и рече дека нејзиниот бизнис со 5Г-мрежа ќе се соочи со предизвици во следните две години.
Финскиот доставувач на телекомуникациска опрема ја намали оперативната маржа што планира да ја постигне до 2026 година на „најмалку 13 проценти“ од претходните насоки од „најмалку 14 проценти“, се наведува во соопштението во вторникот.
Компанијата, која загуби голем договор со „Еј-ти енд ти“ (AT&T) минатата недела, веќе предупреди дека ќе ги уназади плановите за постигнување двоцифрени оперативни маржи за дури две години.
Во зделка вредна 14 милијарди долари, „Ериксон“ беше избран да изгради отворена мрежа за американската компанија.
Bloomberg Mercury
Загубата повторно ги разгоре прашањата за конкурентноста на „Нокиа“ во мобилните мрежи. Тие го пропуштија почетокот на циклусот 5Г поради неконкурентните чипови, а сега, кога се чинеше дека го достигнуваат чекорот, влошената економија и зголемените каматни стапки ги притискаат трошоците за развој на 5Г-мрежата бидејќи операторите ги намалуваат инвестициите.
Намалената цел за 2026 година е „внимателна промена“, истакнаа од компанијата, додавајќи дека сè уште гледаат можности за зголемување на маржите по 2026 година и веруваат дека целта од 14 проценти е остварлива на долг рок.
Одлуката на „Еј-ти енд ти“ да ја концентрира својата мрежа околу еден продавач ќе ја намали нето-продажбата во сегментот на мобилната мрежа следната година, соопшти компанијата. Тие сè уште се стремат да постигнат ниска едноцифрена оперативна маржа поради намалувањето на трошоците.
Bloomberg Mercury
Нивната единица за мобилни мрежи ќе се фокусира на зголемување на продажбата во брзорастечките сегменти.
Компанијата исто така објави дека потпишале договор со „Дојче телеком“ за започнување со поставување на мрежата „Опен РАН“ (Open RAN) во Германија.
.webp){kind=icon}
Во моментов нема коментари за веста. Биди прв да коментира...