„Рено“ продава удел во „Нисан“ вреден 765 милиони евра

 „Рено“ (Renault) продава околу пет отсто од својот удел во „Нисан“ (Nissan), како дел од откупот на акции од јапонскиот производител на автомобили.

Потегот кој е дел од поширок план за намалување на уделот во „Нисан“, е проценет на околу 765 милиони евра, соопшти во вторникот француската компанија. Но како резултат на продажбата, „Рено“ ќе забележи капитална загуба од 1,5 милијардa евра, посочуваат од компанијата.

„Рено“ минатиот месец префрли удел од 28,4 отсто во „Нисан“ во фонд со цел да го олесни процесот на намалување на уделот, што е дел од поширок план за ребалансирање на сопственичките врски меѓу компаниите и подобрување на нивното партнерство кое беше под притисок во последно време.

Во моментов нема коментари за веста. Биди прв да коментира...

Остави коментар