Инвестицијата на „Мајкрософт“ од 13 милијарди долари во „Опен еј-ај“ (OpenAI Inc.) ризикува целосна истрага од надзорните тела на Европската унија (ЕУ), откако бунтот кај креаторот на „Чет ЏПТ“ (ChatGPT) ги откри длабоките врски меѓу двете компании.
Европската комисија во вторникот соопшти дека испитува дали вмешаноста на „Мајкрософт“ треба да биде проверена според правилата за спојување кои важат во блокот - отворајќи го патот за формална истрага, па дури и потенцијално повлекување доколку се утврди дека ја попречува фер конкуренцијата. Потегот на ЕУ, кој е дел од поширокиот поглед кон вештачката интелигенција, следува по сличен чекор на Управата за конкуренција и пазари на Велика Британија.
„Виртуелните светови и генеративната вештачка интелигенција брзо се развиваат“, рече Маргрете Вестагер, антимонополска комесарка на ЕУ. „Основно е овие нови пазари да останат конкурентни и ништо да не застане на патот на растот на бизнисите и обезбедување на најдобри и најиновативни производи за потрошувачите“.
„Мајкрософт“ имаше богата корист од своите вложувања за „Опен еј-ај“. Со интегрирање на производите на „Опен еј-ај“ во буквално секој агол од неговите основни бизниси, софтверскиот гигант многу брзо се етаблира како неприкосновен лидер на вештачката интелигенција меѓу големите технолошки фирми. Гугл на ривалската „Алфабет“ (Alphabet Inc.) оттогаш се трка да го достигне.
Акциите на „Мајкрософт“ паднаа за 0,6 отсто до 372,60 долари во претпазарното тргување кои поминаа 59.538 акции. Компанијата одби да коментира, освен дшто укажа на нејзината изјава минатиот месец за сличниот потег во Обединетото кралство.
„Мајкрософт“ тогаш рече дека од 2019 година „склопил партнерство со „Опен еј-ај“ (OpenAI) коешто поттикнало повеќе иновации и конкуренција на вештачката интелигенција, додека успеал да ја зачува независноста на двете компании“.
Неодамнешното отпуштање - и последователното повторно вработување - на Сем Алтман како шеф на „Опен еј-ај“ откри колку нераскинливо се поврзани двете компании. Акциите на „Мајкрософт“ паднаа веднаш откако управниот одбор на „Опен еј-ај“ го собори Алтман. Главниот извршен директор на Мајкрософт, Сатја Надела, лично помогна во преговорите и застапувањето за негово враќање во компанијата - во еден момент нудејќи му сам да го вработи Алтман, заедно со другите вработени во „Опен еј-ај“ кои сакаа да заминат.
Одборот на крајот се согласи да го врати Алтман на функцијата. Компанијата потоа именуваше привремен одбор од три лица и го додаде „Мајкрософт“ како набљудувач без право на глас.
.webp){kind=icon}
