Акциите на компанијата „Тата Стил“ (Tata Steel) скокнаа за повеќе од два отсто во Мумбаj во петокот, по најавата дека индиската компанија ќе ги затвори високите печки во Британија, кои ѝ носат загуби.
Производителот на челик преговара со синдикатите за иднината на фабриката во Порт Талбот во Велс, откако минатата година постигна договор со британската влада за финансирање од 500 милиони фунти за поддршка на преминот кон производство на челик со помош на електрични лиени печки.
Иако овој процес е значително поеколошки од печките на јаглен, бара и помалку работна сила, што може да доведе до губење на околу 3.000 работни места.
Синдикатите препорачаа постоечките печки да останат во функција за време на транзицијата, а најмалку една ќе остане во функција до 2032 година, објави во четвртокот „Гардијан“, цитирајќи неименувани извори. Но, „Тата“, наводно, смета дека тој предлог е неодржлив со оглед на загубите во таа фабрика, наведува весникот. Весникот тврди дека формалниот план ќе биде објавен в петок.
Од „Тата Стил“ немаше коментар.
„Затворањето на овие стари и загубарски бизниси ќе биде чекор кон правење на компанијата поодржлива“, рече Манав Гоги, аналитичар во „Јес секјуритис“ (Yes Securities India Ltd). „Пазарот сега чека да види како синдикатите ќе ги формулираат барањата.
Акциите на компанијата со седиште во Мумбај се зголемија за 2,2 отсто до пладне по локално време на 133,9 рупии (1,61 долари), завршувајќи го дводневниот пад.
„Тата Стил“ со години се бори да оствари профит во „Британија“. Продажбата на челик во Европа беше слаба поради зголемениот притисок на трошоците и конкуренцијата од азиските земји.
Финансиските резултати за периодот октомври - декември компанијата ќе ги објави следната недела. Во претходниот квартал забележа неочекувана загуба, главно поради слабите перформанси во Европа.
.webp){kind=icon}
