„А1 Дигитал“, член на „А1 Групацијата“ влезе во ново партнерство со „СентинелУан“ (SentinelOne), глобален лидер во доменот на сајбер безбедност. Оттаму информираат дека со ова партнерство, сите деловни сегменти и во Македонија, од мали и средни претпријатија до големи корпорации и државни организации, ќе имаат можност да користат управувана напредна интернет заштита на крајните точки која што е базирана на вештачка интелигенција.
„Повеќе од 11.000 јавни и приватни организации се потпираат на „СентинелУан“ за да се заштитат од сајбер закани“, вели Роланд Стрит, регионален потпретседател за Централна Европа. „Многу сме среќни што се здруживме со „А1“ за да обезбедиме водечки решенија на пазарот кои им овозможуваат на нашите заеднички клиенти да се одбранат од зголемениот број малициозни напади во денешната состојба на закани кои брзо настануваат и да го обезбедат својот бизнис во претпријатието“.
Томас Снор, директор за безбедност во „A1 Дигитал“ вели дека со воведувањето на новата понуда „А1Ендпоинт протект“ (A1 Endpoint Protect), „A1 Групацијата“ ќе ги подигне стандардите на пазарот за сајбер-безбедност.
„Лесни за користење, автоматизирани, интелигентни - но сепак комплексни и високо напредни во позадина, во соработка со водечки глобален вендор. Им даваме огромна вредност на нашите клиенти со највисока експертиза во индустријата, ангажирани во ова управувано решение.“, вели Снор.
Од компанијата потенцираат дека во денешниот дигитален свет, повеќето сајбер-напади започнуваат од уредите на корисниците.
„Секојдневно сме сведоци на појава на нови малициозни софтвери, но и на таканаречени малварелес (malwareless напади), кои предизвикуваат сериозни последици во деловното работење, како што се протекување на податоци и огромни финансиски загуби. Поседувањето силна и сигурна заштита на крајната точка е од клучно значење за одбрана од овие закани.“, велат од компанијата.
.webp){kind=icon}
