Компанијата „Асикурациони генерали“ (Assicurazioni Generali SpA) ќе им врати на акционерите 500 милиони евра преку откуп на акции. Компанијата се надева дека минатогодишните аквизиции ќе го поттикнат нејзиниот бизнис за неживотно осигурување и управување со средства.
Планот за откуп на акции ќе биде доставен до акционерите на одобрување во април и ќе започне годинава, се наведува во соопштението на осигурителната компанија објавено во вторникот.
Генералниот директор Филип Доне се фокусира на сегментите за осигурување со висока маржа и има цел да им врати дури 5,6 милијарди евра на акционерите преку дивиденди во периодот 2022-2024 година. Компанијата го проширува својот бизнис во управувањето со средства, осигурување од незгоди и осигурување имот.
Минатата година компанијата се согласи да купи група европски бизниси од американскиот осигурител „Либерти“ (Liberty Mutual Holding Co.) за 2,3 милијарди евра. Исто така, ја купи „Конинг холдингс“ (Conning Holdings Ltd.) преку партнерство со „Катеј лајф“ (Cathay Life / подружница на Cathay Financial Holding Co.).
Купувањето на „Либерти“ ќе придонесе за повеќе од 250 милиони евра годишно во добивката на „Генерали“ пред оданочување, до 2029 година, се наведува во соопштението. Компанијата најави и дека ќе ги зголеми приходите меѓу 70 и 80 милиони евра во следните пет години од договорот со „Конинг“.
„Неодамнешните аквизиции дополнително ја зајакнаа позицијата на ’Генерали’ како водечки европски осигурител и го проширија нашиот бизнис за управување со средства на глобално ниво“, се наведува во соопштението на Доне. Предложениот откуп на акциите е „резултат на нашата доверба во завршувањето на нашиот план и во готовинската и капиталната позиција на групацијата“.
.webp){kind=icon}
