„Самсунг електроникс“ (Samsung Electronics Co) го забележа четвртиот последователен пад на профитот во празничниот квартал на крајот на 2023 година, бидејќи долгоочекуваното закрепнување на побарувачката за чипови и електроника не успеа да донесе големи приходи за најголемиот светски производител.
Највредната компанија од Јужна Кореја соопшти дека нето-приходот паднал за 74 отсто во последните три месеци од 2023 година, на 6,02 трилиони вони (4,5 милијарди долари). Тоа, сепак, ги надмина просечните очекувања на аналитичарите од 3,16 трилиони вони, делумно благодарение на даночниот кредит.
Одделот за чипови на компанијата имаше оперативна загуба од 2,18 трилиони вони, повеќе отколку што предвидуваа аналитичарите. Оперативниот профит на компанијата беше 2,8 трилиони вони, со продажба од 67,8 трилиони вони, според прелиминарните податоци објавени на почетокот на месецот.
Прочитај повеќе
Новата линија на „самсунг галакси“ доаѓа со кинески четбот
Јужнокорејскиот производител на телефони ја претстави својата прва серија на паметни телефони со ВИ.
29.01.2024
„Самсунг“ забрани вработените да користат вештачка интелигенција
„Самсунг“ ја забранува употребата на популарните алатки за генеративна вештачка интелигенција (како што е ЧетГПТ) од страна на вработените.
03.05.2023
Кинески ривал на „Самсунг“ оди на ИПО од 14,5 милијарди долари
„Чангшин мемори технолоџис“ годинава планира да поднесе апликација за прва домашна јавна понуда на акции.
20.04.2023
Друг производител на мемориски чипови, „СК Хиник“ (SK Hinik Inc.), објави изненадувачка добивка во текот на месецов, а директорите изразија оптимистички очекувања за раст на цените годинава. Слична е ситуацијата со производството на чипови за компании, каде што ТСМ (Taiwan Semiconductor Manufacturing Co.) предизвика пораст од 165 милијарди долари во азиските компании за чипови, вклучувајќи го и „Самсунг“.
Податоците на „Самсунг“ оставаат оптимистичко чувство за новиот раст на побарувачката за полупроводници што ќе го поттикнат развојот на вештачката интелигенција.
Продажбата на чипови поврзани со вештачка интелигенција забавува поради ограничената понуда, додека побарувачката на потрошувачите за електроника допрва треба одново да се зголеми. Фирмите што ја следат индустријата за паметни телефони и компјутери, како што е ИДЦ (IDC), очекуваат запирање на повеќегодишниот пад, иако растот ќе биде умерен. Како снабдувач на клучни компоненти, како што се дисплеи, сензори за камера и меморија, заедно со сопствената линија на уреди „галакси“ (Galaxy), „Самсунг“ ќе биде директно засегнат од какви било промени во глобалните испораки на телефони.
.webp){kind=icon}
