Словенечката „Перутнина Птуј“ и албанската „Балкан Фајнанс Инвестмент Груп“ (БАЛФИН) формираат целосно функционално заедничко вложување, кое ќе стекне целосна контрола над „Дриза“, „Фреш чикен Албанија“, „Индустриа Фораѓере (ВЕАФ)“, како и 50 проценти од основните средства на „А&И фарм“ и на „ЕУРО АЛБ“, информираат од македонската Комисија за заштита на конкуренцијата (КЗК).
„Перутнина Птуј“ е друштво активно на пазарот на продажба на месо од живина и месни производи и има своја подружница во Македонија. БАЛФИН е друштво активно на пазарот на трговија на големо и мало, недвижности, туризам, медиа, едукација, менаџмент на средства, банкарство, логистика и енергетика. Во Македонија, БАЛФИН групацијата е активна во продажба на мало, недвижнини и менаџмент на средства преку зависните друштва „Нептун“, ТЦ Ист Гејт Мол и уште една компанија.
„Дриза“ е друштво активно на пазарот на собирање, обработка, пакување и замрзнување на агрикултурни производи. „Фреш чикен Албанија“е друштво активно на пазарот на колење на живина, за сопствени и цели на трети лица. „Индустриа Фораѓере (ВЕАФ)“ е друштво активно е на пазарот на изградба на фабрики за сточна храна, производство и маркетинг (трговија на големо и мало) со сточна храна, концентрати, витамини и сл.„А&И фарм“ е друштво активно е на пазарот на раст, одгледување и производство на живина, животни како и нивни нуспроизводи, како на домашно така и на меѓународно ниво. „ЕУРО АЛБ“ е друштво активно на пазарот на операции на собирање, преработка, пакување и складирање во фрижидер на земјоделски и сточарски производи. Дополнително, се занимава со раст, одгледување и производство на живина, како и дистрибуција на големо и мало на живинарски производи и нивните нуспроизводи.
„Предложената трансакција се однесува на наведените пазари: пазар за снабдување со свежо живинарско месо, пазар за снабдување со обработено живинарско месо, пазар за одгледување на живина за колење, производство на прехрана и одгледување на живина.“, велат од КЗК.
Комисијата ги повикува заинтересираните трети страни да достават забелешки и мислења за оваа концентрација.
.webp){kind=icon}
Во моментов нема коментари за веста. Биди прв да коментира...