.webp){kind=icon}
Комисијата за хартии од вредност (КХВ) на последната седница донесе решение со кое на „Оилко“ КДА Скопје му издаде дозвола за давање понуда за преземање на 72.644 обични акции од „Макпетрол“ АД Скопје кои претставуваат 64,64 проценти од вкупниот број обични акции со право на глас.
„Преземачот се обврзува да ги откупи хартиите од вредност по цена од 67.001 денари по акција. „Оилко“ КДА Скопје до денот на објавувањето на намерата за преземање, поседува 25.700 обични акции, односно 22,87 проценти од вкупниот број на обични акции со право на глас од „Макпетрол“ АД Скопје. Преземачот не планира да го користи правото за принудна продажба под условите и на начин дефиниран во член 63 од Законот за преземање на акционерски друштва.“, соопшти КХВ.
