.webp){kind=icon}
Исплата на дивиденда во бруто-износ од 1,7 милион евра предлага „ТТК банка“. Распределбата на наградата за акционерите треба да се усвои на годишното собрание, кое е закажано за 29 март годинава, а на кое треба да се потврди и предлог-одлуката оваа сума на акционерите да им се исплаќа дел во акции, преку издавање емисија по пат на приватна понуда наменета за акционерите, и дел во пари, сразмерно на учеството на нивните акции во дотогашната основна главнина.
„Висината на бруто-дивиденда по акција ќе изнесува 108 денари, односно 10,8 отсто од номиналната вредност на акциите, која изнесува 1.000 денари, и тоа 76 денари бруто-дивиденда во акции по пат на приватна понуда наменета за акционерите и 32 денари бруто-дивиденда во пари (на платежни сметки на акционерите)“, се наведува во предлог-одлуката.
„ТТК банка“ успеа во 2023 година да ја зголеми добивката за речиси 73 отсто. Банката оствари добивка од 105,2 милиони денари (1,7 милион евра). Нето-оперативниот приход пред исправките на вредност изнесува 171,2 милиони денари, при остварен годишен раст на оперативните приходи за 6,8 отсто и на оперативните расходи за 3,3 проценти. Во истиот период, исправката на вредност на финансиски и нефинансиски средства на нето-основа изнесува 53,8 милиони денари. Најголем придонес во зголемувањето има забрзаниот раст на нето-приходите од камата и приходите од курсни разлики.
Прочитај повеќе
Бродњак, НЛБ: И покрај повисоката дивиденда, не се откажуваме од аквизиции
За дивиденди во 2024 година банката планира повторно да исплати 40 отсто од добивката од претходната година во две транши.
26.02.2024
„Комерцијална банка“ ќе исплати рекордна дивиденда од 910 денари по акција
Вредноста на дивидендата е 91 процент во однос на номиналната вредност на акцијата од 1.000 денари.
23.02.2024
Највисоката дивиденда лани е 3,7 милиони евра
Тој се јавува како сопственик на удел во компанија чија дејност е болници.
31.10.2023
ТТК Банка оствари добивка од 265.000 евра за три месеци
Нето-приходите од камати бележат пораст од 24,1 проценти
03.05.2023
ТТК банка
Со емисијата на акции за распределба на дивидендата, инаку „ТТК банка“ ќе ја зголеми основната главнина на друштвото.
„Со оваа емисија се издаваат 67.589 обични акции. Номиналната вредност по акција изнесува 1.000 денари. Продажната цена по акција изнесува 1.000 денари. Вкупната номинална вредност на оваа емисија на хартии од вредност е еднаква на вкупната продажна вредност и изнесува 67.589.000 денари. Со оваа емисија, почетниот капитал (основната главнина) на банката ќе се зголеми за 67.589.000 денари. Вкупниот капитал на ’ТТК банка’ АД Скопје по извршената IV емисија на акции по пат на приватна понуда изнесува 1.033.175.000 денари, и тоа 1.033.175 обични акции, со номинална вредност од 1.000 денари“, се наведува во предлог-одлуката.
