.webp){kind=icon}
„Алкалоид“ АД Скопје преку Македонската берза соопшти дека ќе подели дивиденда за 2023 година во бруто-износ од 540 денари по акција. Оттаму информираат дека остварената добивка пред оданочување во 2023 година изнесува 1.651.838.699 денари (26,8 милиони евра), што е зголемување за 7,7 проценти во споредба со 2022 година.
Данокот од добивка изнесува 131.291.885 денари (2,1 милиони евра) и по неговото одбивање износот на нето-добивката расположлива за распределба e 1.520.546.814 денари (24,7 милиони евра).
„Во согласност со долгогодишната практика, во ’Алкалоид’ АД Скопје се предвидува алоцирање на дел од нето-добивката на компанијата за дивиденда и за персонален данок, додека, пак, остатокот е за инвестиции. За распределба се предлага дел за дивиденда и персонален данок на личен доход во износ од 772.930.620 денари (12,5 милиони евра)“, соопшти компанијата.
Прочитај повеќе
„Алкалоид“ урива рекорди во добивката, приходите и новите вработувања
Од вкупните консолидирани продажби, 69 проценти се остварени на странските пазари.
28.02.2024
Денис Ричардс уживаше во чај на „Алкалоид“ во „Вистинските домаќинки од Беверли Хилс“
„Алкалоид“ како производител на чаеви е присутен на американскиот пазар речиси 20 години, а чаевите „Гуд Нејчр“ се меѓу најпродаваните на „Амазон“
31.01.2024
Живко Мукаетов ја зголеми сопственоста во „Алкалоид“
Продолжува да се зголемува учеството Мукаетов во сопственичката структура на „Алкалоид“
30.09.2023
Регионална анализа: „Алкалоид“ меѓу најуспешните фармацевтски гиганти
„Алкалоид“ е меѓу петте најдобри во регионот Адрија по остварената продажба и по остварените маргини на ЕБИТДА и ЕБИТ во текот на минатата година.
18.09.2023
Од „Алкалоид“ додаваат дека вака распределената нето-добивка овозможува на акционерите да им биде исплатена дивиденда од 540 денари бруто за една акција, што претставува зголемување од 10,2 проценти во однос на исплатената дивиденда за 2022 година на нето-основа.
Остатокот од добивката се предлага да се распредели за инвестиции како поддршка на производствените програми и бизнис-потреби, за одржување на долгорочниот раст и јакнење на компанијата.
