.webp){kind=icon}
„Алкалоид“ АД Скопје во текот на 2023 година оствари консолидирана нето-добивка од 1.576.864.000 денари (25,6 милиони евра), што е зголемување за осум проценти и во споредба со остварената добивка во 2022 година, соопшти компанијата преку Македонската берза.
Остварените консолидирани вкупни приходи во периодот јануари-декември 2023 година изнесуваат 16.957.698.000 денари (275,5 милиони евра) и во споредба со остварените во истиот период во 2022 година бележат раст од десет проценти.
„Во структурата на вкупните приходи, најголемо учество, 97 проценти, имаат приходите остварени со продажба на производи и на услуги, кои во споредба со остварените во 2022 година бележат раст од 16 проценти“, информираат од компанијата.
Прочитај повеќе
Денис Ричардс уживаше во чај на „Алкалоид“ во „Вистинските домаќинки од Беверли Хилс“
„Алкалоид“ како производител на чаеви е присутен на американскиот пазар речиси 20 години, а чаевите „Гуд Нејчр“ се меѓу најпродаваните на „Амазон“
31.01.2024
Значителен раст на добивката на „Алкалоид“
Вкупните инвестиции во основни средства во периодот јануари – септември 2023 година изнесуваат 1,2 милијарди денари (20,1 милиони евра)
31.10.2023
Живко Мукаетов ја зголеми сопственоста во „Алкалоид“
Продолжува да се зголемува учеството Мукаетов во сопственичката структура на „Алкалоид“
30.09.2023
Регионална анализа: „Алкалоид“ меѓу најуспешните фармацевтски гиганти
„Алкалоид“ е меѓу петте најдобри во регионот Адрија по остварената продажба и по остварените маргини на ЕБИТДА и ЕБИТ во текот на минатата година.
18.09.2023
„Алкалоид“ одбележа 45 години од постоењето на брендот „Бекутан“
Фармацевтската компанија „Алкалоид“ денеска одбележа 45 години на еден од своите најпрепознатливи брендови.
14.05.2023
„Алкалоид“ со признание за водечки инвеститор во регионот
Компанијата „Алкалоид“ АД Скопје доби признание од Коморскиот инвестициски форум на Западен Балкан (WB6CIF).
30.03.2023
Вкупните инвестиции во основни средства во периодот јануари-декември 2023 година изнесуваат 1.741.562.000 денари (28,3 милиони евра) и во споредба со остварените во истиот период во 2022 година бележат раст од 18 проценти.
„Ваквото зголемување на инвестициите се должи на најголемиот инвестициски проект на ’Алкалоид’ во последните 20 години - новото производствено одделение за производство на цврсти форми 2 - со кој се зголемуваат капацитетите за производство на цврсти форми за повеќе од двапати“, велат од компанијата.
Во периодот јануари-декември 2023 година во компанијата се реализирани 232 нови вработувања. Групацијата „Алкалоид“ има 2.843 вработени, од кои 2.155 се во земјата, а 688 се вработени во капитално поврзаните друштва во странство.
Инаку, од вкупните консолидирани продажби, 69 проценти се остварени на странските пазари. Најголем пораст кај извозните пазари бележат продажбите остварени во земјите од Западна Европа (раст од 25 проценти) и во земјите од Источна Европа (раст од 23 проценти).
Бизнис-планот за 2024 година предвидува инвестирање на околу 10 проценти од консолидираните приходи од продажби во материјални и во нематеријални средства, раст од 10 проценти на консолидираните продажби во однос на реализираните во 2023 година, како и раст од 7 проценти на консолидираниот профит пред оданочување во однос на 2023 година.
„Трендот на работење во отежнати економски услови, кои беа актуелни во изминатите неколку години. сосема е извесно дека ќе продолжи и во 2024 година. Доминантни предизвици беа инфлацијата и порастот на каматните стапки, кои сепак, според сите очекувања, би требало да влезат во зоната на стагнација, а можеби и мало опаѓање“, наведуваат од компанијата.
Оттаму додаваат дека безбедносните глобални кризи ги отежнуваат економскиот амбиент и предвидливоста, што секогаш може да влијае и на цените на енергентите, да создаде тешкотии кај синџирите на испораки, но и да повлијае на достапноста на одредени материјали.
„Очекуваме во 2024 година да продолжиме по патеката на континуираниот раст базиран на можностите од нашите тековни инвестиции во новите производствени капацитети и опреми и вложувањата во развојноистражувачките проекти, на тој начин создавајќи конкурентно портфолио и можности за ширење на пазарите. За остварување на овие цели ќе продолжиме и со нови вработувања во земјава, но и на странските пазари, притоа континуирано вложувајќи во подигнување и усовршување на нивото на знаења и вештини на нашите вработени и градење таленти“, велат од компанијата.
