БЈД (BYD Co.) преговара со „Стелантис“ (Stellantis NV) и други европски производители на автомобили за преземање на недоволно искористени фабрики во регионот, потврди главната директорка на кинеската компанија за меѓународно работење.
Најголемиот светски продавач на електрични возила разговара за потенцијални зделки за преземање погони во земји како Италија, изјави извршната потпретседателка Стела Ли во средата во интервју.
„Не разговараме само со 'Стелантис', туку и со други компании,“ рече Ли на маргините на конференцијата Financial Times Future of the Car во Лондон. „Бараме било какви достапни фабрики во Европа, бидејќи сакаме да ги искористиме тие слободни капацитети.“
Прочитај повеќе
Кинески луксуз по цена од 115.000 евра: Зошто ни Џејмс Бонд не може да продаде „Денца“ во Европа?
Кинеските производители на луксузни автомобили се обидуваат да го освојат глобалниот пазар, но примерот на „БЈД“ покажува дека високите цени и познатите лица како Даниел Крег не се доволни без вистинска стратегија.
09.05.2026
Како „Гили“ успеа да го надмине големиот БЈД
„Гили“ во услови на неизвесност се потпира на глобалната продажна мрежа и нетипично широката понуда на погони, вклучувајќи ги и моделите со мотор со внатрешно согорување.
06.05.2026
Кина забрзува - автомобилите на иднината пристигнуваат од Пекинг
На најголемиот светски авто-саем во Пекинг јасно е дека Кина ја забрзува технолошката предност во автомобилската индустрија. Еве ги најновите модели.
02.05.2026
Изјавите на Стела Ли се надоврзуваат на планот што „Стелантис“ го објави претходно овој месец за поблиска соработка со партнерот „Липмотор“ (Leapmotor) во Европа, при што две шпански фабрики на „Фиат“ и „Пежо“ се предвидени за производство на електрични возила за таа кинеска компанија.
И други европски производители на автомобили се соочуваат со високи трошоци и силна конкуренција, па затоа се отворени за слични договори со кинески компании. „Стелантис“ би можел да потпише уште договори со еден или повеќе кинески производители за да го реши проблемот со вишокот на капацитети во Европа, објави „Блумберг“ минатиот месец.
Под притисок од ценовната војна во Кина, БЈД агресивно го шири своето работење во странство, со силен раст на продажбата во Европа. Производителот, чија меѓународна експанзија ја води Ли, профитира од обновениот интерес за електрични возила откако цените на горивата скокнаа по конфликтот на Блискиот Исток.
БЈД би претпочитал да управува со фабриките самостојно, наместо преку заеднички вложувања (joint ventures), бидејќи така е „поедноставно“, истакна Ли.
На прашањето дали ја посетила недоволно искористената фабрика на „Стелантис“ во Касино во централна Италија, Ли одговори дека БЈД посетил „многу погони“ во Европа.
„Италија е на потесниот список“ на земји заинтересирани за таков договор, додаде таа. Долгорочно, земји како Франција исто така се интересни поради ниските цени на електричната енергија, рече Ли.
Покрај тоа, БЈД размислува и за преземање на традиционални брендови во регионот кои би можеле да се најдат во тешкотии. Брендови како „Масерати“ (Maserati) се „многу интересни“, рече Ли. „Продолжуваме да истражуваме, но сè уште не сме презеле конкретни чекори.“
„Вработуваме многу локални експерти за истражување и развој (R&D),“ изјави Ли. „Дури и во Обединетото Кралство, во Франција, во секој регион мора да имаме локален R&D.
.webp){kind=icon}
